डिपिएल-३: बिराटनगर किंग्सका खेलाडीलाई कारबाही

तेस्रो संस्करणको धनगढी प्रिमियर लिग (डिपिएल) क्रिकेट अन्तर्गत बिराटनगर किंग्सका बिदेशी खेलाडी असदउल्लाह खान जरिवानामा परेका छन्।

प्रतियोगिताको दोश्रो दिनको दोश्रो खेलमा बिराटनगर किंग्सले रुपन्देही च्यालेन्जर्सको सामना गरेको थियो। उक्त खेलमा अम्पाएरसँग बिबाद गरेपछी उनलाई कारबाही गरिएको हो। उनलाई आफ्नो ‘म्याच फि’ को शतप्रतिशत जरिवाना तोकिएको छ।

खेलको क्रममा मैदानमा रहेका अम्पाएरको निर्णयको बिरुद्दमा धेरैबेर सम्म बिरोध गर्दै झगडालाई बढाएको भन्दै अम्पाएरले म्याच रेफ्री समिर खानलाई जानकारी गराएको प्रेस बक्तब्यमा उल्लेख छ।

अम्पाएरले असदउल्लाह खानलाई सम्झाउँदै

खेलाडी असदउल्लाह खानले आफ्नो गल्ति स्वीकार गरेसंगै जरिवाना पनि स्वीकार गरिएसकेका छन्।

अम्पाएरसँगको बिबाद टेलिभिजनको प्रत्यक्ष प्रसारणमा देखिएन भने मैदानमा समेत अनुभव गर्न सकिएन। प्रेस बक्तब्यमा पनि कुन समयमा के, कसरि बिबाद भएको हो जनाईएको छैन। तर म्याच सकिएपछी अम्पाएरले सम्झाउँदै गरेको दृश्य भने विकेटनेपालको क्यामेरामा कैद भएको छ।

उनले प्रतियोगिता खेलेबापत पाउने सम्पूर्ण रकमलाई खेल्ने खेलले भाग गरि प्रत्येक खेलको म्याच फि निकालिन्छ। यधपी उनले पाउने रकम भने खुलाईएको छैन।

उनले यसअघि सन् २०११ मा आइपिएल टिम रोयल च्यालेन्जर्स बैंगलोरको लागि समेत खेल्ने मौका पाएका थिए।

खेलमा रुपन्देही च्यालेन्जर्सले बिराटनगर किंग्सलाई ५ विकेटले पराजित गरेको थियो। टस जितेर पहिले ब्याटिंग गरेको बिराटनगरले निर्धारित समयमा ९ विकेट गुमाएर ९३ रन बनाएपछि रुपन्देहीले मात्र १३.१ ओभरमा ५ विकेट गुमाएर लक्ष्य पुरा गरेको थियो।

असाद उल्लाह खान पठानले १२ बलको सामना गर्दै २ छक्का सहित १६ रन बनाएका थिए। उनि भिम सार्कीको उत्कृस्ट क्याचमा भुवन कार्कीको बलमा आउट भएका थिए। बलिंगतर्फ पनि १ ओभरमा ३ रन खर्चेका थिए।





थप समाचार

श्रीलंकाले लज्जास्पद प्रदर्शन गर्दा भारतलाई आठौँ पटक एसिया कप उपाधि

एकतर्फी खेलमा आयोजक श्रीलंकालाई १० विकेटले पराजित गर्दै एसिया कप २०२३ को उपाधि भारतले जितेको छ। भारतले आठौँ पटक एसिया […]

ग्लोबल कप खेल्न नेपाली भेट्रान्स टिम पाकिस्तान प्रस्थान

पाकिस्तानमा यही सेप्टेम्बर १९ देखि अक्टोबर २ तारिखसम्म आयोजना हुने ४० वर्ष माथिको क्रिकेट ग्लोबल कप ( Over 40s Cricket […]

गौतम बुद्ध अन्तर्राष्ट्रिय क्रिकेट रङ्गशालाको निर्माण प्रक्रिया अघि बढाइने

धुर्मुस–सुन्तली फाउन्डेसनले विभिन्न कारण देखाएर निर्माणबाट हात झिकेपछि अलपत्र बनेको भरतपुरस्थित गौतम बुद्ध अन्तर्राष्ट्रिय क्रिकेट रङ्गशाला निर्माणको काम अघि बढ्ने […]

एसीसी यू-१९ प्रिमियर कपका लागि प्रारम्भिक टोली घोषणा

एसीसी यू-१९ प्रिमियर कपका लागि प्रारम्भिक टोली घोषणा भएको छ । नेपाल क्रिकेट संघ (क्यान) ले शुक्रबार २४ सदस्यीय प्रारम्भिक […]

क्यान अधिवेशन असोज ५ र ६ गते काठमाडौँमा हुने

नेपाल क्रिकेट सङ्घ क्यानको केन्द्रीय साधारण सभा तथा अधिवेशन असोज ५ र ६ गते काठमाडौँमा हुने भएको छ । नेपाल […]

एसियन गेम्सको लागि अभ्यास सुरु

१९ औँ एसियाली खेलकुदका लागि नेपाली राष्ट्रिय क्रिकेट टोलीले प्रशिक्षण थालेको छ । नेपाली राष्ट्रिय टोलीका सदस्यले आज बुधवारदेखि त्रिवि […]