- विकेटनेपाल,असोज १२
१४ औं संस्करणको एसिया कप प्रतियोगिताको फाइनल खेलमा आज बेलुका भारत र बंगलादेश प्रतिस्पर्धा गर्दैछन्।
एसिया कपको नवौं पटक फाइनलको यात्रा गरेको भारत र तेश्रो पटक फाइनल पुगेको बंगलादेश बीच युएईको दुबाई इन्टरनेसनल स्टेडियममा खेल हुनेछ। खेल नेपाली समय ५:१५ बजे बेलुका सुरु हुनेछ।
एसिया कपमा भारतले हालसम्म पछिल्लो ( २०१६ ) को संस्करण सहित कुल ६ पटक उपाधि जितेको छ भने बंगलादेश २०१२ र २०१६ मा फाइनल पुगे पनि उपाधि जित्न सकेको छैन। एसिया कपको पछिल्लो संस्करण ( टि-२० ) फाइनलमा भारतले बंगलादेशलाई ८ विकेटले पराजित गरेको थियो। पछिल्लो हारको बदला लिने लक्ष्य सहित बंगलादेश फाइनल खेल्न उत्रनेछ।
प्रतियोगितामा भारतको प्रदर्शन
समुह चरणमा भारतले हंगकंग र पाकिस्तानलाई पराजित गर्दै सुपर-४ चरणमा स्थान बनाएको थियो। त्यसपछि सुपर-४ चरणमा पाकिस्तान र बंगलादेशलाई पराजित गरेको भारतले अफगानिस्तानसंग बराबरी खेल्दा सुपर-४ चरणको उत्कृस्ट टिमको रुपमा फाइनल पुगेको हो।
समुह चरण – बिरुद्ध हंगकंग – २६ रनले बिजयी , बिरुद्ध पाकिस्तान – ८ विकेटले बिजयी
सुपर ४ चरण – बिरुद्ध बंगलादेश – ७ विकेटले बिजयी, बिरुद्ध पाकिस्तान विकेटले बिजयी , बिरुद्ध अफगानिस्तान – बराबरी
बंगलादेशको प्रदर्शन
बंगलादेशले समुह चरणमा श्रीलंका र अफगानिस्तानलाई पराजित गर्दै सुपर-४ यात्रा तय गरेको थियो। सुपर-४ चरणमा भारत पराजित भएपछि दोश्रो खेलमा अफगानिस्तान तथा तेश्रोमा पाकिस्तानलाई पराजित गर्दै बंगलादेशले फाइनल यात्रा तय गरेको हो।
समुह चरण – बिरुद्ध श्रीलंका – १३७ रनले बिजयी, बिरुद्ध अफगानिस्तान – १३६ रनले बिजयी
सुपर-४ चरण – बिरुद्ध भारत – ७ विकेटले पराजित, बिरुद्ध अफगानिस्तान – ३ रनले बिजयी , बिरुद्ध पाकिस्तान – ३७ रनले बिजयी
भारत टिम – रोहित शर्मा ( कप्तान ) ,शिखर धवन, अम्बाती रायडु, एमएस धोनी, दिनेश कार्तिक,केदार जाधब , रभिन्द्र जडेजा, भुवनेश्वर कुमार , कुलदिप यादब, जस्प्रित बुम्रा, युज्भेन्द्र चाहल, लोकेश राहुल,मनिष पाण्डे,दिपक चाहर, सिद्धार्थ कौल, खलिल एहमद
बंगलादेश टिम – लिटन दास, सौक्य सरकार , मोमिनुल हक, मुश्फिकर रहिम, मोहम्मद मिथुन , इम्रुल केयस, महम्दुल्लह, मेहदी हसन, मश्रफे मुर्तजा ( कप्तान ), रुबेल हुसेन , मुस्ताफिजुर रहमान, अबु हैदर रोनी, नज्मुल हुसेन , नज्मुल इश्लाम, मोसद्देक हुसेन , अरिफुल हक
