- विकेटनेपाल, मङ्सिर-९ , आइतबार
फाइनलमा इंग्ल्याण्डलाई पराजित गर्दै अस्ट्रेलियाले चौथो पटक महिला टि-२० बिश्वकपको उपाधि जितेको छ।
टि-२० बिश्वकपको पहिलो सन् २००९ को संस्करण न्युजिल्याण्डलाई पराजित गर्दै जितेको इंग्ल्याण्डले त्यसपछि बिश्व कप जित्ने सपना पुनः पुरा हुन सकेन र तगारो पुनः अस्ट्रेलियानै बन्न पुग्यो। सन् २०१२ र २०१४ को संस्करणको फाइनलमा इंग्ल्याण्ड अस्ट्रेलियासंग पराजित भएको थियो
वेस्ट इन्डिजको सर भिभियन रिचर्ड्स स्टेडियममा सम्पन्न फाइनल खेलमा टस जितेर ब्याटिंग गरेको इंग्ल्याण्डले १०५ रन मात्रै बनाउन सकेको थियो। १०६ रनको लक्ष्य सहजै पछ्याउने क्रममा अस्ट्रेलियाले १५.१ ओभरमा मात्र २ विकेट गुमायो।
They seemed nervous in the field, but there were no nerves there at the finish – Australia are four-time #WT20 champions! ?
Read how they did it in our match report ?
READ ➡️ https://t.co/FMadQPLvvp#AUSvENG #WT20 #WatchThis pic.twitter.com/buXZtcDkPq
— ICC World Twenty20 (@WorldT20) November 25, 2018
लक्ष्य पछ्याउने क्रममा ४४ रनमा २ विकेट गुमाए पनि त्यसपछि एश्ले गार्डनर र मेग लानिंगले ६२ रनको साझेदारी गर्दै इंग्ल्याण्डलाई निराश बनाएका थिए। गार्डनरले २६ बलमा ३ छक्का र १ चौका मदतले ३३ रन तथा लानिंगले ३० बलमा ३ चौका मदतले २८ रनको इनिंग खेलिन्।
यस अघि इंग्ल्याण्डलाई थोरै योगफलमा समेट्न एश्ले गार्डनरले ३ विकेट ( ४-०-२२-३ ) तथा जर्जिया वारहम र मेगान शुटले २/२ विकेट हात पारिन्। इंग्ल्याण्डको लागि ओपनिङ्ग ब्याटिंग गरेकी ड्यानियल व्याटले ४३ र कप्तान हिदर नाइटले २५ रन बनाउनु बाहेक अरुले दोहोरो अंकमा रन बनाउन सकेनन्।
अल-राउण्ड योगदान दिंदै एश्ले गार्डनर प्लेयर अफ द म्याच चुनिईन् भने प्रतियोगिताको ५ खेलमा २२५ रन बनाउदै अस्ट्रेलियाकै एलिस्सा हिले प्लेयर अफ द सिरिज घोषित भइन्।
England 105 all out in 19.4 overs (Danielle Wyatt 43, Heather Knight 25; Ashleigh Gardner 3-22, Gerogia Wareham 2-11) lost to Australia 106/2 in 15.1 overs (Ashleigh Gardner 33*, Meg Lanning 28*; Sophie Ecclestone 1-12) by eight wickets.
फोटोहरुमा हेर्नुस कस्तो रह्यो फाइनल :-
( फोटोहरु – आईसीसी )
