काठमाडौं । वेस्ट इन्डिज र अमेरिकामा जारी टी-२० विश्वकपको दशौं खेलमा अस्ट्रेलियाले ओमानलाई जितका लागि १ सय ६५ रनको लक्ष्य दिएको छ ।
वेस्ट इन्डिजको बारबाडोसमा टस हारेर पहिले ब्याटिङ गरेको अस्ट्रेलियाले २० ओभरमा ५ विकेट गुमाएर १ सय ६४ रन बनाएको थियो ।
अस्ट्रेलियाका लागि डेबिड वार्नर र मार्कस स्टोइनेसले अर्धशतकीय ईनिङ खेले । स्टोइनेसले ३५ बलमा २ चौका र ६ छक्काको सहयोगमा अविजित ६६ रन बनाए ।
वार्नरले ५१ बलमा ६ चौका र १ छक्काको सहयोगमा ५६ रन बनाए । चौथो विकेटका लागि वार्नर र स्टोइनेसले ६४ बलमा १ सय २ रनको साझेदारी गरे । कप्तान मिचेल मार्शले २१ बलमा १४ तथा ट्राभिस हेडले १० बलमा १२ रन बनाए ।
ओमानका लागि मेहरान खानले दुई तथा बिलाल खानले एक विकेट लिए ।
