पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल गरेको छ। सिरिज अन्तर्गत पहिलो खेल पाकिस्तानले ४ विकेटले तथा दोश्रो खेल दक्षिण अफ्रीकाले ६ विकेटले जितेको थियो।
सेन्चुरियन स्थित सुपरस्पोर्ट्स पार्कमा सम्पन्न खेलमा दक्षिण अफ्रीकाले दिएको २०४ रनको लक्ष्य पाकिस्तानले २ ओभर बाँकी छदै मात्र १ विकेट गुमाएर पुरा गर्यो।
लक्ष्य पछ्याउने क्रममा पाकिस्तान ओपनर मोहम्मद रिजवान र कप्तान बाबर आजमले १९७ रनको ओपनिंग साझेदारी गर्दै टिमलाई सहज जिततर्फ डोर्याए। १८ औं ओभरमा लिजाड विलियम्सबाट क्याच आउट हुनु अघि आजमले मात्र ५९ बलमा १५ चौका र ४ छक्का प्रहार गर्दै १२२ रन बनाए। मोहम्मद रिजवानले अविजित ७३ रन बनाए जुन क्रममा ४७ बलमा ५ चौका र २ छक्का प्रहार गरे।
बाबर आजमले मात्र ४९ बलमा आफ्नो पहिलो टि-२० अन्तर्राष्ट्रिय शतक पुरा गरेका थिए।
यस अघि टस हारेर ब्याटिंग गरेको दक्षिण अफ्रीकाले निर्धारित २० ओभरमा ५ विकेट क्षेतीमा २०३ रन बनाएको थियो।
दक्षिण अफ्रीकाको लागि ओपनर एडेन मारक्रमले सर्वाधिक ६३ रन बनाए जुन क्रममा मात्र ३१ बलमा ६ चौका र ३ छक्का प्रहर गरे। जानेमन मलानले ५० बलमा ५ चौका र २ छक्का मद्दतले ५५ रन बनाए। भान डर डुसेनले अविजित ३४ रन, जर्ज लिंडेले २२ रन योगदान दिए।
मलान र मारक्रमले १०८ रनको ओपनिंग साझेदारी गर्दै घरेलु टोलिलाई उत्कृस्ट सुरुवात दिलाएका थिए।
पाकिस्तानको बलिंगमा मोहम्मद नवाजले २ विकेट तथा शाहिन अफ्रिदी, हसन अलि र फहीम अश्रफले समान १ विकेट लिए।
सिरिज अन्तर्गत चौथो खेल अप्रिल १६ तारिख शुक्रबार खेलिनेछ।
यो पनि पढ्नुस
त्रिकोणात्मक सिरिजको लागि नेपाली टोलिको घोषणा, को परे को परेनन्
