जिम्बाब्वेसंग हार पछि पाकिस्तान कप्तान आजमले के भने

अस्ट्रेलियामा जारी टि-२० विश्वकपको सुपर-१२ चरणमा पाकिस्तानलाई १ रनले पराजित गर्दै जिम्बाब्वेले पहिलो जित दर्ता गरेको छ। पर्थ स्टेडियममा जिम्बाब्वेले दिएको १३१ रनको लक्ष्य पछ्याएको पाकिस्तानले २० ओभरमा ८ विकेट क्षेतीमा १२९ रन बनायो।

हार पछि पाकिस्तान कप्तान बाबर आजमले खराब ब्याटिंग प्रदर्शनलाई दोष दिए – “हामी आधिबाटोमै १३० रन सम्म पुग्नु पर्थ्यो। निकै खराब प्रदर्शन, हामिसंग राम्रा ब्याट्सम्यानहरु छन् तर आज हामीले ब्याटिंग राम्रो गर्न सकेनौ।” बाबरले भने।

“हामीले ओपनरलाई पावरप्ले भित्र गुमायौं। शदाब र शान जब साझेदारी गर्दै थिए तब शदाब आउट भएपछि दुर्भाग्यवस लगातार विकेट गुम्यो। बलिंगतर्फ पहिलो ६ ओभरमा हामीले राम्रो गर्न नसकेता पनि अन्त्य राम्रो गर्यौं।”

“हामि एक साथ बस्नेछौँ र हाम्रो गल्तिहरु बारे बहस गर्नेछौँ। हामि आगामी खेलमा उत्कृस्ट पुनरागमन गर्न कडा अभ्यास गर्नेछौँ।” आजमले बताए।

खेलमा ३ विकेट लिंदै प्लेयर अफ द म्याच चुनिएका सिकन्दर रजाले आफुसंग जितलाई बयान गर्न शब्द नभएको बताए।

“म संग शब्द छैन। हर्षले गर्दा मेरो मुख सुकेको छ।” रजाले बताए। “म हाम्रो टिम प्रति गर्व गर्छु। जसरि हाम्रो पेसर्सहरुले सुरुवात गरे जुन अपत्यारिलो थियो जसलाई राम्रो फिल्डिंगले साथ दियौं।”

“अस्ट्रेलिया जानु अघि मैले कप्तान इर्भिनलाई बताएको थिए कि जसले प्लेयर अफ द म्याच पाउनेछ उसले छानेको घडी एक अर्काले किनीदिनु पर्छ। मैले उनलाई याद दिलाएको छु कि तिन वटा घडी दिनु पर्छ। आज खेल अघि मैले रिकी पोंटिंगको क्लिप हेरेको थिए बिहान जसले मलाई प्रेरित गर्यो। म रिकी पोंटिंगलाई धन्यवाद दिन चाहन्छु।”

जिम्बाब्वेले पहिलो खेलमा दक्षिण अफ्रीकासंग खेल रद्द हुँदा एक अंक पाएको थियो। पाकिस्तान पहिलो खेलमा भारतसंग पराजित भएको थियो। जिम्बाब्वेले आगामी खेल बंगलादेशसंग अक्टोबर ३० तारिखमा तथा पाकिस्तानले सोहि दिन नेदरल्याण्ड बिरुद्ध खेल्नेछ।

 





थप समाचार

गणेशमान सिंह राष्ट्रिय टी-२० च्याम्पियनशिप : मधेश र कर्णाली विजयी

काठमाडौं । जारी वीर गणेशमान सिंह राष्ट्रिय टी-२० च्याम्पियनशिप अन्तर्गत बिहिवार सम्पन्न दुई खेलमा मधेश प्रदेश र कर्णाली प्रदेशले जित […]

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]