सनसनीपूर्ण खेलमा बागमतीद्वारा कर्णाली १ विकेटले पराजित

सनसनीपूर्ण खेलमा कर्णाली प्रदेशलाई पराजित गर्दै बागमती प्रदेशले काठमाडौँमा जारी यु-१९ राष्ट्रिय प्रतियोगितामा पाँचौ खेल खेल्दा दोश्रो जित दर्ता गरेको छ। कर्णाली प्रदेशले ५ खेल खेल्दा चौंथो हार बेहोर्न पुगेको छ।

मुलपानी क्रिकेट मैदानमा कर्णाली प्रदेशले दिएको ७९ रनको लक्ष्य बागमतीले ९ विकेट क्षेतीमा १९.५ ओभरमा भेटायो। बागमतीको लागि बिबेक मगरले सर्वाधिक १८ रन, कृष् कार्कीले १२ रन, उत्तम मगरले ११ रन, बिपिन शाहीले ८ रन तथा गौतम केसीले अविजित ७ रन बनाए।

लक्ष्य पछ्याउने क्रममा अनुज चनाराले सुरुवाती ३ विकेट लिंदा बागमतीले २७ रनमा ४ विकेट गुमायो। पहिलो ओभरमा चनाराले २ विकेट लिए। पाँचौ विकेटको लागि बिबेकले स्वप्निल अधिकारीसंग १९ रन जोडे। स्वप्निल एघारौं ओभरमा चनारा बाट बोल्ड भएपछि बिबेकले चैथें विकेटको लागि उत्तम मगरसंग १४ रन जोडे। १६ औं ओभरमा मगर आउट भएपछि लगत्तै ओभरमा बिबेक आउट भए। ६६/७ को अवस्थाबाट जित्न ४ रन बाँकी हुँदा कृष कार्कीलाई चनाराले क्याच आउट गरे। जित्न ३ रन बाँकी रहंदा बिपुल खनाल रन आउट हुन पुगे। लगत्तै बलमा गौतम केसीले छक्का प्रहार गर्दै बागमतीलाई रोमान्चक जित दिलाए।

कर्णालीको बलिंगमा अनुज चनाराले सर्वाधिक ५ विकेट लिए जुन क्रममा ८ ओभरमा १ मेडन ओभर गर्दै ३७ रन खर्चिए। प्रकाश जैसी, युनिष सिंह र सुवास ऐयरले समान एक विकेट लिए।

यस अघि टस हारेर ब्याटिंग गरेको कर्णालीले २७.१ ओभरमा ७८ रनमै समेटिएको थियो। कप्तान निश्चल रावलले १५, सन्दिप शाहीले १४ बिपिन रावलले १२ तथा रुपक दाहालले १० रन बनाउनु बाहेक अन्य कर्णालीका ब्याट्सम्यानले दोहोरो अंकमा रन बनाउन सकेनन्।

बागमती प्रदेशका दायाँ हाते फास्ट बलर गौतम केसीले सर्वाधिक ४ विकेट लिए जुन क्रममा ६.१ ओभरमा ३ मेडन ओभर गर्दै १० रन खर्चिए। बिशाल यादवले ३ विकेट ( ५-३-११-३ ) लिए भने कृष कार्कीले २ विकेट ( २-०-१०-२ ) र बिपुल खनालले १ विकेट ( ५-०-१७-१ ) लिए।





थप समाचार

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]

नेपालले टस हार्यो, भुर्तेल बेन्चमा

काठमाडौं । नामिबियाविरुद्ध नेपालले टस हारेको छ । नामिबियाका कप्तान जेजे स्मिथले टस जितेर बलिङ रोजेपछि नेपालले पहिला ब्याटिङ गर्दै […]

पाँचपोखरी क्रिकेट प्रतियोगिता : पाँचपोखरी र ह्याल्मो-११ सेमिफाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको सेमिफाइनलमा स्थान बनाएका छन् । आज भएको […]

दाङ क्रिकेट लिग : देउखुरी र पुरनधारा फाइनल दौडबाट बाहिरियो 

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बिहिबार सम्पन्न दुई खेलमा तुलसीपुर रोयल्स र दंगाली लायन्स विजयी भएका […]

लिभेन्टको शतकमा नेदरल्यान्ड्सको सहज जित

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई सहज रुपले पराजित गरेको छ  । टियु मैदानमा भएको  खेलमा नामिबिया ५९ […]

लिभेन्टको शतकमा नामिबियालाई २४८ रनको लक्ष्य

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई २ सय ४८ रनको लक्ष्य दिएको छ । टियु मैदानमा जारी खेलमा […]