लगातार ६ खेलमा पराजित भए पछि अन्ततः सातौँ खेलमा बिराट कोहली कप्तानीको रोयल च्यालेन्जर्स बैंगलोरले इन्डियन प्रिमियर लिगमा पहिलो जित दर्ता गरेको छ। जित पछि पनि बैंगलोर लिगको पुछारमा कायम छ भने पन्जाब ८ खेलमा ४/४ जित/हार सहित पाँचौ स्थानमा यथावत छ।
दिल्ली, कोलकाता, राजस्थान, हैदराबाद, मुम्बई, चेन्नई र राजस्थानसंग पराजित भएको बैंगलोरले सातौँ खेलमा किंग्स-११ पन्जाबलाई भने पराजित गर्दै जितको रुप देख्यो।
खेलमा पन्जाबले पहिले ब्याटिंग गर्दै दिएको १७४ रनको लक्ष्य बैंगलोरले मात्र २ विकेट गुमाएर १९.२ ओभरमा पुरा गर्यो।
कोहली र डीभिल्लीयर्स चम्किए
लक्ष्य पछ्याउने क्रममा बैंगलोरले राम्रो सुरुवात गर्यो। पहिलो विकेटको लागि पर्थिभ पटेल र बिराट कोहलीले ४३ रन बनाए। १९ रन बनाएर पर्थिभ आउट भए पछि कोहली र एबि डीभिल्लीयर्सले दोश्रो विकेटको लागि ८५ रनको साझेदारी गरे।
कोहली १६ औं ओभरमा मोहम्मद शामीको बलमा क्याच आउट भए। उनले ५३ बलमा ८ चौका मदतले ६७ रन बनाए।
कोहलीको विकेट पछि डी भिल्लियर्स र मार्कस स्टोईनिसले तेश्रो विकेटको लागि अविजित ४६ रन बनाउदै बैंगलोरलाई जित दिलाए।
प्लेयर अफ द म्याच समेत चुनिएका डीभिल्लीयर्सले ५ चौका र २ छक्का मदतले ३८ बलमा अविजित ५९ रन बनाए। यस्तै स्टोईनिसले १६ बलमा ४ चौका मदतले २८ रन बनाए।
पन्जाब बलर मोहम्मद शामी ( ४-०-४३-१ ) र रभीचन्द्रन आश्विन ( ४-०-३०-१ ) ले १/१ विकेट लिए।
गेलको उत्कृस्ट इनिंग
टस जितेर पन्जाब क्रिकेट एसोसीएसन मैदानमा पहिले बैंगलोरले फिल्डिंग रोजेपछि ब्याटिंग गरेको पन्जाबले २० ओभरमा ४ विकेट गुमाएर १७३ रन बनाएको थियो।
पन्जाबको लागि ओपनर क्रिस गेलले उत्कृस्ट इनिंग खेल्ने क्रममा अविजित ९९ रन बनाए। ६४ बलमा उनले १० चौका र ५ छक्का प्रहार गरे। गेल बाहेक अन्य ब्याट्सम्यानले भने ठुलो योगदान दिन सकेनन्।
सुरुवात देखि अन्तिमसम्म ब्याटिंग गरेका गेलले पहिलो विकेटको लागि लोकेस राहुलसंग ६६ रनको साझेदारी गरेका थिए। यस्तै पाँचौ विकेटको लागि उनले मन्दिप सिंहसंग ६० रनको साझेदारी गरेका थिए। मन्दिपले अविजित १८ रन बनाए। लोकेश राहुलले पनि १८ रन, मायाँक अग्रवाल र सरफराज खानले समान १५ रन बनाए।
बैंगलोरको बलिङ्गमा युज्भेंद्र चाहलले २ विकेट ( ४-०-३३-२ ) तथा मोहम्मद सिराज ( ४-०-५४-१ ) र मोईन अलि ( ४-०-१९-१ ) ले १/१ विकेट लिए।
प्रतियोगितामा बैंगलोरको नतिजा :-
१. चेन्नाईसंग ७ विकेटले पराजित
२. मुम्बईसंग ६ विकेटलले पराजित
३. हैदराबादसंग ११८ रनले पराजित
४.राजस्थानसंग ७ विकेटले पराजित
५. कोलकातासंग ५ विकेटले पराजित
६. दिल्लीसंग ४ विकेटले पराजित
७. पन्जाबसंग ८ विकेटले विजयी
