मिथिला कपको उपाधि बजाज युथ एकेडेमीलाई, बसिरको अलराउण्ड प्रदर्शन

कलैया क्रिकेट क्लब बारालाई २२ रनले पराजित गर्दै बजाज युथ एकेडेमी सप्तरीले मिथिला कप टि-ट्वान्टी प्रतियोगिताको उपाधि जितेको छ।

बुधबार राजविराज बिस्नुपुर स्थित महेन्द्र विन्देश्वरी मल्टिपल कलेज टियु मैदानमा सम्पन्न फाइनलमा बजाज युथ एकेडेमीले दिएको १४४ रनको लक्ष्य पछ्याउने क्रममा कलैया क्रिकेट क्लबले निर्धारित २० ओभरमा ८ विकेट क्षेतीमा १२१ रन मात्र बनाउन सक्यो।

कलैयाको ब्याटिंगमा तृत राज दासले सर्वाधिक २८, पवन सर्राफले २३ , निरज यादवले अविजित १५ तथा रभी साहले १२ रन बनाए।

बजाज युथको बलिंगमा राष्ट्रिय क्रिकेटर समेत रहेका देब्रे हाते स्पिनर बसिर अहमदले सर्वाधिक ३ विकेट लिए। प्लेयर अफ द म्याच समेत घोषित अहमदले ४ ओभरमा २० रन खर्चिए। यस्तै बिपिन खत्रीले २ तथा नितेश यादव, सिद्धान्त लोहनी र मिकु मण्डलले १/१ विकेट लिए।

यस अघि टस हारेर ब्याटिंग गरेको बजाज युथले २० ओभरमा ८ विकेट क्षेतीमा १४३ रन बनायो।

बजाज युथको लागि राज वर्माले सर्वाधिक ३९ रन योगदान दिए। यस्तै बसिर अहमदले २३, पप्पु यादवले १८, सिद्धान्त लोहनीले १६ तथा बिपिन खत्रीले १३ रन योगदान दिए।

कलैयाका बलर तृत राज दासले ३ तथा भुलावन सहानी र जितेन्द्र यादवले १/१ विकेट लिए।

उपाधि जितेको बजाज युथ एकेडेमीले १ लाख रुपैयाँ पुरस्कार पायो। उपविजेता कलैयाले ५० हजार रुपैयाँ पायो।

प्रतियोगिताकै उत्कृस्ट खेलाडी सिराहा क्रिकेट क्लबका रुपेश सिंह घोषित भए। यस्तै उत्कृस्ट ब्याट्सम्यान एमसीटि मकवानपुरका शुभ कंसाकार, उत्कृस्ट बलर एसके स्पोर्ट्सका रासिद खान तथा उदयमान खेलाडी बजाज युथ एकेडमीका विशाल यादव घोषित भए।

युवा शक्ति क्लबले आयोजना गरेको प्रतियोगितामा कुल १६ टोलि सहभागी थिए। प्रतियोगिता माघ १४ गते सुरु भएको थियो।





थप समाचार

नेक्ससले २०० जना क्रिकेटरलाई निशुल्क क्याम्प गर्ने

काठमाडौं । काठमाडौं को पेप्सीकोमा रहेको नेक्सस क्रिकेट एकेडेमीले यस बर्ष see दिने २०० जना क्रिकेट खेलाडीहरू लाई २० दिने […]

पाँचपोखरी टि२० क्रिकेट : पाँचपोखरी र ह्याल्मो-११ फाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको फाइनलमा स्थान बनाएका छन् । मुलपानी क्रिकेट […]

क्यानडाको लगातार दोस्रो जित, स्कटल्यान्डलाई हरायो

काठमाडौं । विश्वकप लिग टू को नव प्रवेशी क्यानडाले गत संस्करणको च्याम्पियन स्कटल्यान्डलाई पराजित गरेको छ । युएईमा जारी रहेको […]

डीसिएल : रोयल्स र लायन्सले उपाधीका लागि खेल्ने

दाङ । दोस्रो संस्करणको नेपाल टेलिकम दाङ प्रिमियर लिगको उपाधीका लागि तुलसीपुर रोयल्स र दंगाली लायन्सले खेल्ने भएका छन् । […]

नामिबियालाई हराउँदै नेपाल फाइनल नजिक

काठमाडौं । अलराउन्डर कुशल मल्लको विष्फोटक अर्धशतकको सहयोगमा नामिबियालाई पराजित गरि काठमाडौंमा जारी त्रिदेशीय टी-ट्वान्टी आई सिरिजमा नेपाल फाइनल नजिक […]

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]