काठमाडौं । वेस्ट इन्डिज र अमेरिकामा जारी नवौं संस्करणको टी-२० विश्वकपमा समूह डी मा रहेको नेपालले समूह चरणको अन्तिम खेलमा सोमबार बिहान बंगलादेशको सामना गर्दैछ ।
टी-२० आईमा दोेस्रो पटक आमनेसामने हुन लागेका दुवै टोलीबीचको खेल वेस्ट इन्डिजको सेन्ट भिन्सेन्टमा रहेको अर्नास भेल क्रिकेट स्टेडियममा हुदैछ । खेल नेपाली समय अनुसार सोमबार बिहान सवा पाँचमा सुरु हुदैछ ।
अन्तराष्ट्रिय क्रिकेटमा हुन लागेको दोस्रो भेटलाई जितका साथ ऐतिहासिक बनाउँन नेपाल आफ्नो बलियो प्लेईङ-११ को साथ मैदान उत्रने सम्भावना छ । नेपालले गत शनिबार दक्षिण अफ्रिकाविरुद्धको खेलमा रहेको प्लेईङ-११ नै खेलाउने सम्भावना छ ।
बंगलादेशविरुद्ध नेपालको सम्भावित प्लेईङ-११ यसप्रकारको हुने सम्भावना छ ।
ओपनर जोडिका रुपमा कुशल भुर्तेल र आसिफ शेखको जोडिले निरन्तरता पाउने सम्भावना रहेको छ । कुशल र आसिफको जोडिबाट उत्कृष्ठ सुरुआतको अपेक्षामा टिम रहने छ । शेखलाई विकेट किपरको भुमिकामा देखिदा कुशलले लेगस्पिन विकल्पका रुपमा रहने छन् । शेख र भुर्तेलले केही खेल यता आशा अनुरुपको प्रदर्शन देखाउन सकेका छैनन् । टिमको आशा यस खेलमा पूरा हुने सम्भावना रहेको छ ।
तेस्रो नम्बरमा अनिलकुमार शाहले मौका पाउने सम्भावना छ । शाहले माथिल्लोक्रमको ब्याटिङमा योगदानको अपेक्षा टिमले गरेको छ । चौथो नम्बरमा कप्तान रोहितकुमार पौडेललाई देख्ने सम्भावना रहेको छ । ब्याटिङमा पौडेलबाट कप्तानी ईनिङका साथ केही ओभर बलिङको समेत विकल्पको रुपमा छन् । पाँचौ नम्बरमा दीपेन्द्रसिंह ऐरीको सम्भावना रहेको छ । ब्याटिङ, बलिङ र फिल्डिङमा ऐरीबाट उत्कृष्ट प्रदर्शनको अपेक्षमा टिम नेपाल रहेको छ ।
छैटो स्थानमा कुशल मल्लको सम्भावना छ । आक्रामक ब्याटिङका लागि चिनिने मल्लको आक्रमक प्रदर्शनको अपेक्षामा टिम रहने छ । मल्लबाट केही ओभर स्पिन बलिङ को समेत विकल्पका रुपमा रहने छन् ।
सातौं नम्बरमा अर्का अलराउन्डर गुलसन झाको सम्भावना रहेको छ । तल्लो क्रममा आएर उत्कृष्ट ब्याटिङ क्षमता राख्ने झाबाट यस खेलमा पनि सोहि आक्रमकताको खोजिमा टिम रहने छ । झा तीव्र गतिको बलिङ विकल्पका रुपमा रहेका छन् ।
आठौं र नवौं नम्बरमा तीव्र गतिका बलर करण केसी र सोमपाल कामीको सम्भावना छ । यि दुवै बलरमा तल्लो क्रममा ब्याटिङ गर्दै राम्रो हिटिङको क्षमता समेत रहेको छ । दशौं नम्बरमा लेगस्पिनर सन्दीप लामिछानेको सम्भावना रहेको छ । नेपालको स्पिन बलिङको नेतृत्व गर्ने सन्दीपबाट बलिङमा राम्रो प्रदर्शनको अपेक्षा रहेको छ ।
एघारौं नम्बरमा तीव्र गतिका बलर अभिनास बोहराको सम्भावना रहेको छ । डेथ ओभरका लागि परिचित बोहरालाई डेथ ओभरमा नेपालले पछिल्लो समयमा व्यहोरिरहेको धेरै रनको समस्या हटाउने चुनौती छ ।
नेपालको सम्भावित प्लेईङ-११
कुशल भुर्तेल, आसिफ शेख (विकेटकिपर), अनिल शाह, रोहितकुमार पौडेल (कप्तान), दीपेन्द्रसिंह ऐरी, कुशल मल्ल, गुलसन झा, करण केसी, सोमपाल कामी, सन्दीप लामिछाने र अभिनास बोहरा
