- विकेटनेपाल, पुष-६ शुक्रबार
एभरेस्ट प्रिमियर लिग टि-२० को फाइनलमा शनिवार ज्ञानेन्द्र मल्ल कप्तानीको टिम ललितपुर प्याट्रीएट्स र शरद भेसावकर कप्तानीको टिम भैरहवा ग्ल्याडीएटर्स प्रतिस्पर्धा गर्दै छन्।
प्रतियोगिता अन्तर्गत लिग चरणमा ४ जित र १ हार सहित अंकतालिकामा शिर्ष स्थानमा रहँदै प्लेअफ चरण प्रवेश गरेको ललितपुरले पहिलो क्वालीफायरमा काठमाडौँ किंग्स-११ लाई १ विकेटले पराजित गर्दै सोझै फाइनलमा स्थान बनाएको थियो।
अर्कोतर्फ लिग अंकतालिकामा तेश्रो स्थानमा ३ जित र २ हार सहित रहेको भैरहवाले इलिमीनेटरमा चितवन टाइगर्सलाई ४ विकेटले तथा दोस्रो क्वालीफायरमा काठमाडौँ किंग्स-११ लाई ६ विकेटले पराजित गर्दै फाइनलमा स्थान बनाएको हो।
खेल सुरु हुने समय : १२:३० बजे ( टियु मैदान किर्तिपुर )
लाइभ कहाँ हेर्ने ? : एपिवान टिभीमा , टिभी उपलब्ध नभए वाउ टाइम, नेट टिभी जस्ता एप तथा विदेशमा हुनु भए नेपालफ्लिक्सको युट्युबमा।
भैरहवा टिम :- शरद भेषावकर(कप्तान), प्रदिप ऐरी, आरिफ सेख, रोहित कुमार पौडेल, भुवन कार्की, प्रकाश केसी, कृष्ण कार्की, हरिशंकर शाह, दिपेश श्रेष्ठ, भुपेन्द्र थापा , कुशल मल्ल , बिदेशी खेलाडी : मोहम्मद नबिद (युएई), रबि इन्दर सिंह, रायन टेन डोस्काटे (नेदरल्याण्ड)
ललितपुर टिम :– ज्ञानेन्द्र मल्ल (कप्तान), सन्दिप लामिछाने, ललित नारायण राजवंशी, कुशल भुर्तेल, सुमित झा, सन्दिप जोरा, नारायण जोशी, योगेन्द्रसिंह कार्की, राशिद खान, शंकर राना, पवन सर्राफ, सोनु तामाङ, कमल खत्री , सुर्य तामांग , बिदेशी खेलाडी : सन्नी पटेल (भारत), गौरब तोमर (भारत), जयकिशन कोल्सावाला (भारत)
प्रतियोगितामा ललितपुर प्याट्रीएट्सको हालसम्मको नतिजा
पहिलो खेल :- बिराटनगर वारियर्ससंग ३ विकेटले पराजित , दोश्रो खेल :- चितवन टाइगर्ससंग ११ रनले विजयी ,
तेश्रो खेल :- पोखरा राइनोजसंग ८ विकेटले विजयी , चौथो खेल :- काठमाडौँ किंग्स-११ संग १० विकेटले विजयी ,
पाँचौ खेल :- भैरहवा ग्ल्याडीएटर्ससंग ६ विकेटले विजयी , छैठौं खेल ( क्वालीफायर ) :- काठमाडौँ किंग्स ११ संग १ विकेटले विजयी
प्रतियोगितामा भैरहवा ग्ल्याडीएटर्सको हालसम्मको नतिजा
पहिलो खेल :- पोखरा राइनोजसंग ४ विकेटले विजयी, दोश्रो खेल :- चितवन टाइगर्ससंग १२ रनले विजयी ,
तेश्रो खेल :- बिराटनगर वारियर्ससंग ४ विकेटले विजयी , चौथो खेल :- काठमाडौँ किंग्स-११ संग ७ विकेटले पराजित ,
पाँचौ खेल :- ललितपुर प्याट्रीएट्ससंग ६ विकेटले पराजित, छैठौं खेल ( इलिमीनेटर ) :- चितवनसंग ४ विकेटले विजयी ,
सातौँ खेल ( क्वालिफायर ) :- काठमाडौँसंग ६ विकेटले विजयी
भैरहवा र ललितपुरको इतिहासमा भेट ( हेड टु हेड ) – भैरहवा २ – १ ललितपुर
हालसम्म ललितपुर र भैरहवाले ईपिएल इतिहासमा ३ पटक खेलेका छन्। ३ मध्ये २ खेलमा भैरहवा र १ खेलमा ललितपुर विजयी भएको छ। सन् २०१७ को ईपिएलमाको लिग चरणको खेलमा भैरहवाले ललितपुरलाई ७ विकेटले तथा सोहि प्रतियोगिताको पहिलो क्वालीफायरमा भैरहवाले ललितपुरलाई ८ विकेटले पराजित गरेको थियो। यो सिजन लिग चरणमा १ खेल खेल्ने क्रममा भने ललितपुरले भैरहवालाई ६ विकेटले पराजित गरेको थियो।
ललितपुरको लागि राम्रो प्रदर्शन गर्ने ५ खेलाडीहरु –
गौरभ तोमर : भारतीय खेलाडी तोमरले ईपिएलमा ६ खेल खेल्दा कुल २०६ रन बनाएका छन्। यस क्रममा उनले १९६ को स्ट्राइक रेटले ब्याटिंग गरिरहेका छन्। तोमरले लिग चरणमा काठमाडौँ किंग्स-११ बिरुद्ध अविजित ८० रन तथा पोखरा राइनोज बिरुद्ध ८२ रनको इनिंग खेलेका थिए।
सन्नी पटेल : टिमका अर्का भारतीय खेलाडी लेग स्पिनर पटेलले ६ खेलमा १० विकेट लिंदै धेरै विकेट लिने सुचीमा पहिलो स्थानमा रहेका छन्। उनले ४.९५ प्रतिओभर रन खर्चिएका छन्। यस क्रममा उनले भैरहवालाई पराजित गर्दा ५ विकेट तथा चितवन र काठमाडौँ बिरुद्ध २/२ विकेट लिएका थिए।
जयकिशन कोल्सावाला : अर्का भारतीय खेलाडी विकेटकिपर ब्याट्सम्यान कोल्सावालाले कुल १३१ रन बनाएका छन् भने ५ वटा क्याच र २ वटा स्टम्पिङ्ग समेत गरेका छन्। यस क्रममा उनले पोखरा राइनोजसंग ५१ रन बनाएका थिए भने काठमाडौँसंग अविजित २७ र भैरहवासंग अविजित २२ रन बनाएका थिए।
पवन सर्राफ : प्रतियोगितामा ६ खेलमा कुल ९ विकेट लिएका अफस्पिनर सर्राफले काठमाडौँसंग क्वालीफायरमा ३ विकेट लिएका थिए। यस्तै लिग चरणमा काठमाडौँ र पोखरासंग उनले ३/३ विकेट लिएका थिए।
योगेन्द्र सिंह कार्की : ५ खेलमा ७ विकेट लिएका मध्यम तिब्र गति बलर कार्कीले क्वालीफायरमा काठमाडौँलाई पराजित गर्दा ३ विकेट लिनुको साथै म्याच जिताउने अविजित २८ रन बनाएका थिए। यस्तै भैरहवा र काठमाडौँसंग लिग चरणमा उनले २/२ विकेट लिने क्रममा किफायती बलिङ्ग पनि गरेका थिए।
भैरहवाको लागि राम्रो प्रदर्शन गर्ने ५ खेलाडीहरु –
रभी इन्दर सिंह : भारतीय खेलाडी रभीले प्रतियोगिताकै सर्वाधिक रन बनाउने क्रममा ७ खेलमा ३०८ रन बनाएका छन्। उनले १५७ को औशतले रन बनाएका छन्। प्रतियोगितामा उनले पोखरा राइनोज बिरुद्ध सिजनकै एक मात्र शतक बनाउने क्रममा १२५ रन बनाएका थिए भने काठमाडौँ किंग्स-११ अविजित ८६ रन बनाएका थिए।
मोहम्मद नबिद : ५ खेलमा १० विकेट लिएका युएईका फास्ट बलर नबिदले ५.२१ रन प्रतिओभर रन खर्चिएका छन्। यस क्रममा नबिदले बिराटनगर वारियर्ससंग ४ विकेट लिएका थिए भने चितवन टाइगरसंग ३ र क्वालीफायरमा काठमाडौँ किंग्स-११ संग २ विकेट लिएका थिए।
रायन टेन डेस्काटे : नेदरल्याण्ड क्रिकेटर रायनले अल-राउण्ड प्रदर्शन गर्ने क्रममा ब्याटिंगमा ७ खेलमा १६५ रन तथा बलिङ्गमा ७ विकेट लिएका छन्। यस क्रममा उनले क्वालीफायरमा काठमाडौँसंग ४५ रन बनेका थिए भने लिग चरणमा ललितपुरसंग २ विकेट लिनुको साथै ३७ रन पनि बनाएका थिए।
अविनाश बोहरा : तिब्र गति बलर बोहराले ७ खेलमा ७ विकेट लिने क्रममा ५.१७ रन प्रतिओभर खर्चिएका छन्। डेथ ओभरमा राम्रो बलिङ्ग गरिरहेका बोहराले चितवन टाइगर्स र विराटनगर वारियर्ससंग २/२ विकेट लिएका थिए र किफायती बलिङ्ग समेत गरेका थिए।
कुशल मल्ल : युवा खेलाडी कुशल मल्लले इलिमीनेटरमा चितवनसंग अविजित २७ रन बनाएका थिए भने क्वालीफायरमा काठमाडौँ किंग्स-११ संग ३ विकेट लिंदै टिमलाई फाइनल पुर्याउन महत्वपूर्ण योगदान दिएका थिए। मल्ल यु-१६ राष्ट्रिय क्रिकेटर रहीसकेका छन्।
सम्भावित ११ :-
भैरहवा :- शरद भेसावकर ( कप्तान ) , प्रदिप ऐरि, रायन टेन डेस्काटे, रभी इन्दर सिंह, मोहम्मद नबिद, रोहित पौडेल, आरिफ शेख, कुशल मल्ल, भुवन कार्की , अविनाश बोहरा , कृष्ण कार्की
ललितपुर :- जयकिशन कोल्सावाला, गौरभ तोमर, ज्ञानेन्द्र मल्ल, पवन सर्राफ, कुशल भुर्तेल, सन्दिप जोरा, सन्नी पटेल, योगेन्द्र सिंह कार्की, सोनु तामांग, सुर्य तामांग , ललित राजबंशी
