काठमाडौं । भक्तविर सिंह तुलाधर फाउन्डेसन इन्डोर टि-१० क्रिकेट च्याम्पियनसिपको उपाधी मिक्समाण्डुले जितेको छ ।
शनिबार भएको प्रतियोगिताको फाइनल खेलमा मिक्समाण्डुले मिक्समाण्डु लेजेन्ड्सलाई १४ रनले पराजित गर्दै च्याम्पियन बनेको हो ।
मिक्समाण्डुले दिएको १ सय १२ रनको लक्ष्य पछ्याएको लिजेण्ड्सले निर्धारित १० ओभरमा ३ विकेट गुमाएर ९७ मात्र बनाउँन सक्यो ।
लिजेण्ड्सका लागि विवेक राना मगरले सर्वाधिक ५३ तथा सुमनले १७ रन बनाए । आदित्य १३ रनमा अविजित रहँदा उत्तम थापा मगरले ५ रन जोडे ।
मिक्समाण्डुका लागि रुपेश श्रीवास्तवले १ विकेट लिए ।
त्यसअघि टस जितेर पहिले ब्याटिङ गरेको मिक्समाण्डुले निर्धारित १० ओभरमा ७ विकेट गुमाएर १ सय ११ रन बनाएको थियो ।
मिक्समाण्डुका लागि इशान पाण्डेले ३५ तथा रित गौतमले ३२ रन बनाए ।
च्याम्पियन भएसँगै मिक्समाण्डुले १ लाख ८० हजार नगद, ट्रफि तथा प्रमाण पत्र प्राप्त गर्यो । उपविजेता लिजेन्ड्सले भने ८० हजार नगद, ट्रफि तथा प्रमाणपत्र प्राप्त गर्यो ।
एभरेष्ट बैंक सर्वोत्कृष्ट ब्याटरमा ब्याकयार्ड ब्रुका सन्देश कार्की चयन भए । कार्कीले ५ हजार नगद प्राप्त गरे ।
जगायो ११ बलर ललित सिंह भण्डारी उत्कृष्ट बलर भए । बलर भण्डारीले नगद ५ हजार प्राप्त गरे ।
एभरेष्ट बैंक उत्कृष्ट फिल्डर महेश विष्ट भए । उनले नगद २ हजार प्राप्त गरे ।
एभरेष्ट बैंक प्लेयर अफ द टुर्नामेन्ट विधान श्रेष्ठले प्राप्त गरे । श्रेष्ठले १० हजार नगद प्राप्त गरे ।
कटिया हाउस प्रालिको आयोजनामा साउन २२ बाट प्रतियोगिता सुरु भएको थियो ।
प्रतियोगितामा १७ टोलीको सहभागीता रहेको थियो ।
