भरतपुर मेयर कप तीन दिवसीय क्रिकेट सुरु

चितवनमा आज (विहीबार)देखि प्रथम भरतपुर मेयर कप तीन दिवसीय क्रिकेट प्रतियोगिता सुरु भएको छ ।

नारायणी एडर्भटाइजिङ एण्ड इभेन्ट्सको आयोजनामा भरतपुरस्थित निर्माणाधीन गौतमबुद्ध अन्तर्राष्ट्रिय क्रिकेट रंगशालामा सुरु भएको प्रतियोगिताको भरतपुर महानगरपालिकाकी उपप्रमुख पार्वती शाह ठकुरीले अम्पायरलाई बल हस्तान्तरण गरेर उद्घाटन गरिन् । सो क्रममा बोल्दै उनले यस्ता प्रतियोगिताले क्रिकेट विकासमा महत्वपूर्ण सावित हुने बताइन् । पहिलोपटक चितवनमा यसखालको प्रतियोगिता आयोजना भएको भन्दै आगामि दिनमा धेरै भन्दा धेरै प्रतियोगिताहरु हुन आवश्यक रहेको बताइन् । उनले चितवन र मकवानपुर दुवै टिमलाई जितको शुभकामना दिइन् ।

लगातार तीन दिनसम्म चल्ने प्रतियोगिताको पहिलो दिनको समाप्तीमा मकवानपुर ६१ रनले पछाडी परेको छ । मकवानपुरले पहिलो दिन ३५ ओभरमा ७ विकेट गुमाउँदै ११५ रन बनाएको छ । उसका लागि रामनरेश गिरीले ३१ र गौरव खड्काले २९ रन बनाए । चितवनका लागि स्पिनर कृजन गुरुङले ८ ओभरमा २६ रन खर्चिदै ३ विकेट लिए ।

यसअघि टस जितेर पहिले व्याटिङ गर्ने निर्णय गरेको चितवनले ५५ ओभरमा ९ विकेटको क्षतिमा १७६ रन बनाउँदै इनिङ समाप्तीको घोषणा गरेको थियो । उसका लागि कप्तान दिपेश श्रेष्ठले ६७ र गौतम केसीले ३५ रन बनाए ।

मकवानपुरका लागि कप्तान रामनरेश गिरीले १३ ओभरमा ३३ रन खर्चिदै ५ विकेट लिए भने सुर्वण भट्टले १३ ओभर ३३ रन खर्चिदै ३ विकेट लिए । प्रतियोगिता शनिबार सम्म चल्नेछ । त्यसलगत्तै भरतपुर मेयर कप एकदिवसीय क्रिकेट प्रतियोगिता हुनेछ ।

प्रतियोगितालाई भरतपुर महानगरपालिकाले प्रवद्र्धन गरेको छ भने चितवन जिल्ला क्रिकेट संघले सहयोगी भूमिका निर्वाह गरेको छ ।

 





थप समाचार

मलेसियाविरुद्धको ट्वान्टी-२० अन्तर्राष्ट्रिय शृङ्खलाको उपाधि नेपाललाई 

काठमाडौँ । सीता रानामगरको ३४ रन प्रेरित नेपाली महिला क्रिकेट टिमले आइतबार पाँचौँ तथा अन्तिम ट्वान्टी-२० अन्तर्राष्ट्रिय क्रिकेटमा मलेसियालाई तीन […]

नेपाल मलेसियासँग पराजित

घरेलु टोली मलेसियाले चौथो महिला अन्तर्राष्ट्रिय खेलमा नेपाललाई पराजित गरेको छ । शनिबार सम्पन्न खेलमा घरेलु टोलीले ४ विकेटले नेपाललाई […]

विश्वकप छनोट खेल्न दक्षिण अफ्रिका जाँदै सन्दीप

काठमाडौँ । नेपाली राष्ट्रिय क्रिकेट टिमका लेग स्पिनर सन्दीप लामिछानेलाई पठाउने तयारी गरिएको छ। सन्दीपलाई दक्षिण अफ्रिकामा हुने अभ्यास खेल […]

डीएभी सुशील केडिया स्कुलमा ३ उदीयमान क्रिकेटरका लागि पूर्ण छात्रवृत्ति अवसर 

काठमाडौं, ललितपुरमा रहेको डीएभी सुशील केडिया विश्व भारती स्कुलले तीन जना उदीयमान क्रिकेटरलाई पूर्ण छात्रवृत्ति प्रदान गर्ने भएको छ । […]

क्याम प्रिमियर लिग : तराई टाइगर, लुम्बिनी, कङ्गारु र हाम्रो यूथ क्लब विजयी

तराई टाइगर स्पोर्ट्स क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेट प्रतियोगितामामा ६८ रनको फराकिलो जित निकालेको छ […]

एसीसी प्रिमियर कप : नेपाल र युएईबीचको बाँकी फाइनल खेल आज

  काठमाडौँ । काठमाडौँमा जारी एसीसी प्रिमियर कपमा सोमबार रोकिएको नेपाल र युएईबीचको फाइनल खेल आज (मंगलबार)सुरु हुदैछ । सोमबार […]