युएईमा नेपाल, युएई र पपुवा न्यु गिनी ( पीएनजी ) बीच जारी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिज अन्तर्गत आफ्नो चौंथो तथा अन्तिम खेलमा नेपालले पपुवा न्यु गिनीसंग प्रतिस्पर्धा गर्दैछ। खेल नेपाली समय ११:१५ बजे सुरु हुँदैछ।
खेलमा नेपालले टस जितेर पपुवा न्यु गिनीलाई ब्याटिंगको निम्तो दिएको छ।
नेपालले आज अन्तिम एघारमा ज्ञानेन्द्र मल्ल र बिक्रम सोबलाई बाहिर राखेको छ। आसिफ शेख र भिम शार्कीले मौका पाएका छन्।
दायाँ हाते ब्याट्सम्यान भिम शार्कीले आज नेपाली राष्ट्रिय क्रिकेट टिमको लागि डेब्यु गर्न लागेका हुन्।
नेपालको अन्तिम एघार : पवन सर्राफ, कुशल भुर्तेल, आसिफ शेख, दिपेन्द्र ऐरी, रोहित पौडेल, आरिफ शेख, बिनोद भण्डारी, सोमपाल कामि, करन केसी, सन्दिप लामिछाने ( कप्तान ) , भिम शार्की
सिरिज अन्तर्गत नेपालले पहिलो खेलमा पपुवा न्यु गिनीलाई २ विकेटले पराजित गरेको थियो। त्यसपछि दुई खेलमा नेपाल युएईसंग पराजित भयो।
