टिपिएल टि-२०: भिम सार्की चम्किदा लुम्बिनी कासाईलाई उपाधि

  • विकेटनेपाल, मङ्सिर ८ – शनिबार

यु-१९ राष्ट्रिय खेलाडी भिम सार्कीको आक्रामक अर्धशतक मद्दतले तिलोत्तमा प्रिमियर लिग टि-२० क्रिकेट प्रतियोगिताको उपाधी लुम्बिनी कसाईले हात पारेको छ। उसले फाइनलमा रोयल शंकरनगरलाई ६१ रनले पराजित गर्यो।

उपाधिसंगै लुम्बिनी कसाईले ३ लाख नगद र ट्रफी प्राप्त गर्यो भने उपविजेता शंकरनगरले १ लाख ५० हजार रुपैयाँमा चित्त बुझायो।

प्रतियोगिताको उत्कृस्ट खेलाडी राष्ट्रिय क्रिकेटर समेत रहेका शंकरनगरका रोहित पौडेल भए जसले २० हजार रुपैयाँ प्राप्त गरे। यस्तै उत्कृस्ट ब्याट्सम्यान सन्दिप रजाइली, उत्कृस्ट बलर रुपेश कुर्मी घोषित भए जसले रु. १० हजार प्राप्त गरे। यस्तै उदयमान खेलाडी अभिसेख गौतम र उत्कृस्ट फिल्डर देव खनाल घोषित भए जसले रु. ५ हजार प्राप्त गरे।

रोहित पौडेल प्रतियोगिताकै उत्कृस्ट खेलाडी चुनिए

भिम सार्कीको उत्कृस्ट इनिंग 

तिलोत्तमा क्रिकेट बिकास समितिको आयोजनामा मङ्सिर १ गतेदेखि सुरु भएको प्रतियोगिताको नवजीवन खेल मैदानमा सम्पन्न फाइनलमा पहिले ब्याटिंग गरेको लुम्बिनी कसाईले निर्धारित २० ओभरमा ८ विकेट गुमाएर १४६ रनको योगफल तयार पारेको थियो।

कसाईका लागि भिम सार्कीले ६३ रनको पारि खेल्नेक्रममा ७ चौका र २ छक्का प्रहार गर्न मात्र ३५ बलको सामना गरेका थिए। त्यस्तै ओपनर सुमन पाण्डेले २४ रन बनाउदा मनबहादुर बोहराले १५ रन बनाए। टिमले अतिरिक्त १६ रन पायो। बलिङ्गमा शंकरनगरका रोहित पौडेल र सन्दिप सुनारले समान २/२ विकेट लिए।

जितको लागि १४७ रनको लक्ष्य पछ्याएको शंकरनगर १६.४ ओभरमा सबै विकेट गुमाएर मात्र ८५ रनमा समेटियो।

फाइनलको प्लेयर अफ द म्याच भिम सार्की

शंकरनगरका राष्ट्रिय खेलाडी रोहित पौडेलले २२ रन बनाउन २२ बलमा ३ चौका प्रहार गरेपनि जितको लागि पर्याप्त थिएन। त्यस्तै सुनिल कुमारले ६ बलमा १२ रन र रोबिन क्षेत्रीले ९ बलमा १० रन बनाएपनि अन्य खेलाडीले दोहोरो अङ्कमा रन समेत बनाउन सकेनन्। सन्दिप सुनार र सुशन भारी समान ८/८ रनमा आउट भए।

बलिङ्गमा लुम्बिनीका कुशल मल्ल र कप्तान धनपति मिश्र र रुपेश कुर्मीले समान २/२ विकेट लिए।

अर्धशतक सहित १ विकेट हात पारेका भिम सार्की म्यान अफ द म्याच घोषित भए।

मङ्सिर १ गते शनिबार देखि सुरु भएको प्रतियोगितामा नुसी वारियर्स, बुटवल डाइनामाइट, मणिग्राम किंग्स, रोयल च्यालेंजर्स भैरहवा, ज्ञानोदय गोल्ड्स, लुम्बिनी कसाई ग्ल्याडीएटर्स, रोयल शंकरनगर र एसआर एनएससीए टाइगर्स गरि कुल ८ टोलि सहभागी थिए।

( फोटोहरु र जानकारी – तारा पाठक )





थप समाचार

मुम्बईमाथि लखनाउको जित

काठमाडौं । १७ औं संस्करणको इन्डियन प्रिमियर (आइपीएल) को ६७ औं खेलमा मुम्बई इन्डियन्सलाई लखनाउ सुपर जायन्ट्सले पराजित गरेको छ […]

बागमतीलाई सानदार रुपमा हराउदै सुदुरपश्चिम फाइनलमा

काठमाडौं । सम्झना खड्काको शानदार ब्याटिङको सहयोगमा बागमती प्रदेशलाई शानदार रुपमा पराजित गर्दै जारी ललितपुर मेयर्स कपको फाइनलमा स्थान बनाएको […]

विश्वकपमा टस नजितेको नेपाल…

काठमाडौं । नेपालले आगामी जुन २ बाट अमेरिका र वेस्ट इन्डिजमा संयुक्त रुपमा आयोजना हुने नवौं संस्करणको टी-२० विश्वकपमा सहभागीता […]

टी-१० को लाइभ मकालु टिभीमा हुने

काठमाडौं । विराटनगरमा आयोजना हुने नेपाल टी-१० प्रतियोगिताको प्रत्यक्ष प्रशारणको अधिकार मकालु टेलिभिजनले लिएको छ । विराटनगर महानगरपालीकाको आयोजनामा हुने […]

नेपालले अमेरिका र क्यानडासँग वार्मअप खेल्ने

काठमाडौं । आगामी महिना वेस्ट इन्डिज र अमेरिकामा आयोजना हुने टी-२० विश्वकपको वार्मअप खेलको खेल तालिका प्रकाशन भएको छ । […]

नेपालको लगातार दोस्रो जित, एक खेल अगाबै सिरिज

काठमाडौं । विश्वकपको तयारीका लागि वेस्ट इन्डिजमा रहेको नेपाली टोलीले विन्डवर्ड्स भोलक्यान्सविरुद्धको दोस्रो अभ्यास खेलमा पनि जित हात पारेको छ […]