३० मंसिर, काठमाडौँ । नेपाली क्रिकेट खेलाडी सन्दीप लामिछाने बिग ब्यास लिग (बिबिएल) क्रिकेट खेल्न आज अष्ट्रेलिया उडेका छन् । उनि तेस्रोपटक बिग ब्यास खेल्न कतार एयरवेजको उडानमार्फत त्यसतर्फ लागेका हुन्।
लामिछाने बुधबार अस्ट्रेलिया पुगेपछि १४ दिनको क्वारेन्टिनमा बस्ने उहाँका व्यवस्थापक रमन शिवाकोटीले जानकारी दिनुभयो । बिग ब्यास भने गत बिहीबारदेखि नै शुरु भइसकेको छ । क्वारेन्टिनमा बस्नुपर्ने भएकाले लामिछानेले शुरुआती छ खेल गुमाउनेछन् । यस पटक सन्दिप होबार्ट हरिकेन्सबाट बिग ब्यास खेल्दैछन् ।
लामिछानेले यसअघि दुई सिजन बिग ब्यास लिग मेलबर्न स्टार्सबाट खेलेका थिए । उनले पछिल्ला दुई याममा २० खेल खेल्दै २६ विकेट लिनुभएको थियो ।
राष्ट्रिय टोलीको बन्द प्रशिक्षणमा सहभागी हुने तयारीमा रहेको अवस्थामा दुई साताअघि लामिछाने कोरोनाबाट सङ्क्रमित भएका थिए। कोरोना मुक्त भएपछि उनि अभ्यासमा सामेल भएका थिए।
