बिहिबार ( जुन २४ ) हुने पाकिस्तान सुपर लिगको फाइनलमा मुल्तान सुल्तान्स बिरुद्ध पेशावर जाल्मी दुई खेलाडी हैदर अलि र उमेद आसिफ बिना मैदान उत्रनु पर्ने भएको छ।
कोभिड-१९ बायो-बबल प्रोटोकल्स तोडेका कारण दुई खेलाडीलाई कारवाही स्वरूप फाइनल खेल्न प्रतिबन्ध गरिएको हो। दुई खेलाडीले बायो-बबालबाट बाहिरि रहेका व्यक्तिहरुसंग भेटघाट गरेको र सामाजिक दूरी समेत कायम नगरेका कारण कडा कारवाही गरिएको हो।
जारि लिगमा उमेद आसिफले ९ खेल खेल्ने क्रममा ८ विकेट लिएका थिए भने सोमन खेलमा हैदर अलिले १६६ रन बनाएका थिए।
Haider, Umaid suspended from HBL PSL 6 final for bio-secure breach
Read more: https://t.co/puxZE7fHTE#HBLPSL6 | #MatchDikhao
— PakistanSuperLeague (@thePSLt20) June 24, 2021
यही घटनाको कारण हैदर अलिलाई इंग्ल्यान्ड र वेस्टइन्डिज भ्रमणको लागि समेत टिमबाट बाहिर निकालिएको छ। उनको स्थान सोहेब मक्सुदले लिने भएका छन्।
पाकिस्तान क्रिकेट बोर्डद्वारा जारि प्रेस विज्ञप्तिमा उक्त घटना बुधबार घटेको जसपछि बिहिबार बिहान लिगको कोभिड-१९ व्यवस्थापन प्यानलले उक्त निर्णय लिएको बताईएको छ। विज्ञप्तिमा अलि र आसिफ दुवै बाहिरि व्यक्तिहरुसंग भेटघाट पछि टिमको अन्य व्यक्तिहरुको सम्पर्कमा नआएको र उनीहरुलाई आफ्नो कोठामै आइसोलेसनमा राखिएको जानकारी गराइएको छ।
खेलाडीहरुमा कोभीड-१९ देखिएपछि मार्चमा पाकिस्तान सुपर लिगको खेलहरु स्थगित गरिएको थियो जसपछि युएईमा बाँकी खेलहरु आयोजना गरिएको थियो।
लिगको फाइनल खेल मुल्तान सुल्तान र पेशावर बीच बिहिबार राति नेपाली समय ९:४५ बजे सुरु हुनेछ।
