Sudurpaschim Province vs Gandaki Province Live



बलियो सुरुवात र फिनिसिङको बलमा महेन्द्रनगर युनाइटेडले जोड्यो १६८ रन

विकेटनेपाल – १८ चैत्र, आइतवार | धनगढी प्रिमियर लिग (डिपिएल) अन्तर्गत दोस्रो दिनको दोस्रो खेलमा महेन्द्रनगर युनाइटेडले बिराटनगर किंग्सलाई जितको लागि १६९ रनको लक्ष्य प्रस्तुत गरेको छ।

दिनको दोस्रो खेलमा टस जित्दै ब्याटिंगमा उत्रिएको महेन्द्रनगरले निर्धारित २० ओभरमा ५ विकेट गुमाएर १६८ रन जोडेको हो । उसको इनिंगमा भारतीय खेलाडी पुनित मेहेराले आक्रामक ब्याटिंग गर्दै ३८ रन जोडे । यस्तै कप्तान बिनोद भण्डारीले ३५ तथा अर्का भारतीय खेलाडी पुनित बिष्टले २४ रनको योगदान गरे ।

ओपनिंग ब्याटिंग गर्न उत्रिएका बिनोद भण्डारीले पहिलो विकेटका लागि आशिफ शेख (९) संग ५० रनको साझेदारी गर्दै महेन्द्रनगरलाई राम्रो सुरुवात दिएका थिए । बिनोद भण्डारीले प्रहार गरेको सिधा सट बलर सुभम कामतको हातमा लागेर नन् स्ट्राइकर तर्फको स्टम्पमा लाग्दा आशिफ रन आउट हुनपुगेका थिए । त्यसको अर्को बलमा नै बिनोद भण्डारी समेत व्यक्तिगत ३५ रनको स्कोरमा पभेलियन फर्कन पुगे । सुभम कामतको बलमा मन्जित श्रेष्ठको हातबाट समातिन अघि उनले २९ बलमा ५ चौका र १ छक्का प्राहर गरे । यस्तै इनिंगको अन्त्य तर्फ बिष्फोटक ब्याटिंगको प्रदर्शनी गरेका पुनित मेहेराले भने मात्र १८ बलमा २ चौका र ३ छक्का सहित अविजित ३८ रन जोडे । इनिंगको २० औं ओभरमा मेहेराले बसन्त रेग्मीलाई २४ रनको लागि प्रहार गरेका थिए ।

बिराटनगर किंग्सको बलिंग तर्फ मन्जित श्रेष्ठले २ तथा पारस खड्का र सुभम कामतले समान १-१ विकेट चट्काएका थिए । प्रतियोगिता अन्तर्गत आज सम्पन्न दिनको पाहिलो खेलमा सिवाइसी अत्तरियाले रुपन्देही च्यालेंजर्सलाई ९ विकेटले पराजित गरेको थियो ।





थप समाचार

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]

नेत्रहीन टी-२० विश्वकप : नेपाल भारतसँग भिड्ने

आगामी डिसेम्बर ४ देखि १७ (मंसिर ५ देखि १९ सम्म) भारतमा आयोजना हुने नेत्रहीन टी-२० विश्वकप क्रिकेटमा नेपालले पहिलो खेल […]

लुम्बिनीको जितमा दुर्गेशको अलराउण्ड प्रदर्शन, नरेनको ५ विकेटमा सुदूरपश्चिमको लगातार पाँच जित

काठमाडौँमा जारि अन्डर-१९ राष्ट्रिय प्रतियोगिता अन्तर्गत बुधबार सम्पन्न दुई खेलमा लुम्बिनी प्रदेश र सुदूरपश्चिम प्रदेश विजयी भएका छन्। टियु मैदान […]

धमलालाई राखेको निमित्त सदस्यसचिवको जिम्मेवारी

काठमाडौं, मंसिर १३- राष्ट्रिय खेलकुद परिषद् (राखेप) का बोर्ड सदस्य अञ्जन धमलाले मंगलबार राखेपको निमित्त सदस्यसचिवको जिम्मेवारी पाएका छन् । […]