- विकेटनेपाल-५ कार्तिक, सोमबार
संयुक्त अरब एमिरेट्समा सम्पन्न पहिलो संस्करणको अफगानिस्तान प्रिमियर लिग (एपिएल) को उपाधि बल्ख लेजेण्डले हात पारेको छ। आइतवार राति सम्पन्न फाइनल खेलमा बल्खले काबुल ज्वाननलाई ४ विकेटले पराजित गर्यो।
पहिले ब्याटिंग गर्दै काबुलले दिएको १३३ रनको लक्ष्य बल्खले १८.१ ओभरमा ६ विकेट गुमाएर पुरा गर्यो। काबुललाई जित दिलाउने क्रममा स्टार ब्याट्सम्यान क्रिस गेलले सर्वाधिक ५६ रनको योगदान गरे। यस्तै रबि बोपराले ३२ तथा र्यान टेन डोस्केटले व्यक्तिगत १२ रन जोडे।
ओपनर कोलिन मुनरो ० र दर्विश रसुली ४ रनको स्कोरमा आउट भएपछि बल्खको इनिंगलाई सम्हालेका गेलले मात्र ३४ बलमा ५६ रनको बिष्फोटक पारि खेले। त्यसक्रममा उनले ४ छक्का र समान चौका प्रहार गरे।
कबुलको बलिंगतर्फ दक्षिण अफ्रिकी तिब्र गतिका बलर वाएन पार्नेलले सर्वाधिक ३ विकेट लिएपनि त्यो जितका लागि पर्याप्त भएन। आफ्नो ४ ओभरको स्पेलमा पार्नेलले ३५ रन खर्चिएर ३ विकेट हात पारे। यस्तै राशिद खान, फरिद अहमद र मुस्लिम मुसाको नाममा समान १-१ विकेट रह्यो।
यसअघि पहिलो इनिंगमा टस जितेर ब्याटिंगमा उत्रिएको काबुलले निर्धारित २० ओभरमा ९ विकेट गुमाएर १३२ रनको योगफल तयार गरेको थियो। काबुलका लागि ब्याट्सम्यानहरुले पाएको सुरुवातलाई अगी बढाउन नसक्दा, टोलि ठूलो स्कोर जोड्नबाट बन्चित रह्यो।
काबुलको इनिंगमा जाबेद अहम्दीले सर्वाधिक ३२ रनको योगदान गरेका थिए। मात्र १९ बलमा अहम्दीले २ छक्का र समान चौका प्रहार गरेका थिए। यस्तै कोलिंग इन्ग्राम र वाएन पार्नेलले समान २१-२१ रनको योगदान गर्दा लौरी एभान्सले १४ रन जोडेका थिए।
बल्खको बलिंगतर्फ खेलको म्यान अफ द म्याच चुनिएका क्वैस अहमदले सर्वाधिक ५ विकेट हात पारेका थिए। आफ्नो ४ ओभरको स्पेलमा अहमदले मात्र १८ रन खर्चिएर ५ विकेट हात पार्न सफल रहे। यस्तै मोहम्मद नाबी, अफताब आलम, मिर्वैश अश्रफ र रबि बोपाराले समान १-१ विकेट हात पारेका थिए।
प्रतियोगितामा राशिद खान उत्कृस्ट खेलाडी घोषित भए। राशिदले प्रतियोगिताको ९ खेलमा १० विकेट चट्काएका थिए भने १९८.८५ को स्ट्राइक रेटमा १७३ रन समेत जोडेका थिए। यस्तै मोहम्मद शेहजाद(३४४ रन) उत्कृस्ट ब्याट्सम्यान चुनिंदा इसुरु उडाना(१७ विकेट) उत्कृस्ट बलर घोषित भए।
