बोल्टले ह्याट्रिक लिंदै इतिहास रच्दा, अस्ट्रेलियाको मध्यम योगफल

आईसीसी एकदिवसीय क्रिकेट अन्तर्गत ३७ औं खेलमा न्युजिल्याण्ड र अस्ट्रेलिया प्रतिस्पर्धा गरिरहेका छन्।

लर्ड्स मैदानमा जारि खेलमा टस जितेर ब्याटिंग रोजेको अस्ट्रेलियाले ५० ओभरमा ९ विकेट गुमाएर २४३ रन बनाएको छ।

अस्ट्रेलिया यस अघिनै ७ खेलमा ६ जितको साथ् १२ अंक बटुल्दै सेमीफाइनलमा स्थान पक्का गरिसकेको छ भने आज सहित २ खेल बाँकी रहेको अवस्थामा न्युजिल्याण्डले एउटा जित हात पारे सेमीफाइनलमा स्थान पक्का गर्नेछ नत्र अन्य टिमको नतिजामा भर पर्नुपर्नेछ। भारत र न्युजिल्याण्डको समान ११ अंक रहेको छ र अंक तालिकामा दोश्रो र तेश्रो स्थानमा रहेको छ।

खराब सुरुवात गर्ने क्रममा अस्ट्रेलियन ओपनर डेभिड वार्नर १६, आरोन फिन्च ८ र स्टिभ स्मिथ ५ रन बनाएर आउट भए। मार्कस स्टोइनिस २१ र लगत्तै ग्लेन म्याक्सवेल १ रन बनाएर आउट हुँदा अस्ट्रेलिया एक समय २२ औं ओभरमा ९२/५ को कमजोर अवस्थामा पुग्यो।

त्यसपछि भने अस्ट्रेलिया सम्हालियो। तेश्रो नम्बरमा ब्याटिंग गरेका उस्मान ख्वाजा र एकेक्स केरेले छैठौं विकेटको लागि शतकीय साझेदारी गरे। केरे ७१ रन बनाएर ४३ औं ओभरमा आउट भए जसले ७२ बलमा ११ चौका प्रहार गरे।

प्याट कमिन्ससंग सातौँ विकेटको लागि ख्वाजाले ४४ रनको साझेदारी गरे। ५० औं ओभरमा ख्वाजा ८८ रन बनाएर बोल्टको बलमा बोल्ड भए जस अघि उनले धैर्यतापुर्वक १२९ बल खेल्दै ५ चौका प्रहार गरे। प्याट कमिन्सले अविजित २३ रन बनाए।

ख्वाजाको विकेट पछि बोल्टले मिचेल स्टार्क र जेसन बेह्रेनडर्फलाई लगातार बलमा आउट गर्दै ह्याट्रिक पुरा गरे। ४९.३, ४९.४ र ४९.५ गरि लगातार ३ बलमा बोल्टले विकेट लिए।

विश्वकप क्रिकेटमा ह्याट्रिक लिने बोल्ट पहिलो न्युजिल्याण्ड क्रिकेटर बनेका छन्। यस क्रममा उनले ख्वाजा र स्टार्कलाई बोल्ड तथा अन्तिममा बेह्रेनडर्फलाई एलबिडब्लु धरापमा पारे।

जारि विश्वकपमा यस अघि भारतीय बलर मोहम्मद शामीले अफगानिस्तान बिरुद्ध ह्याट्रिक लिएका थिए।

इनिंगमा बोल्टले १० ओभरमा १ मेडन ओभर गर्दै ५१ रन खर्चेर ४ विकेट लिए। यस्तै लकी फर्गुसन ( १०-०-४९-२ ) र जेम्स निशाम ( ६-०-२८-२ ) ले २/२ विकेट तथा एन विलियमसनले १ विकेट ( ७-०-२५-१ ) लिए।





थप समाचार

गणेशमान सिंह राष्ट्रिय टी-२० च्याम्पियनशिप : मधेश र कर्णाली विजयी

काठमाडौं । जारी वीर गणेशमान सिंह राष्ट्रिय टी-२० च्याम्पियनशिप अन्तर्गत बिहिवार सम्पन्न दुई खेलमा मधेश प्रदेश र कर्णाली प्रदेशले जित […]

आइपीएल : बेंगलुरु र हैदराबाद खेल्दै

काठमाडौं । इण्डियन प्रिमियर लिग (आइपीएल) अन्तर्गत आज रोयल च्यालेन्जर्स बेंगलुरु र सनराइजर्स हैदराबादबीच खेल हुदै छ । हैदराबादको घरेलु […]

वेस्ट इन्डिज ए विरुद्ध खेल्ने नेपाली टोलीको घोषणा

काठमाडौं । शनिबारबाट काठमाडौंमा सुरु हुने वेस्ट इन्डिज ए विरुद्ध को पाँच खेलको टी-२० सिरिजका लागि नेपाली टोलीको घोषणा भएको […]

गुजरातमाथि दिल्लीको रोमान्चक जित

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई पराजित गरेको छ । घरेलु […]

दिल्लीले गुजरातलाई दियो २२५ रनको लक्ष्य

काठमाडौं । १७ औं संस्करणको इन्डियन प्रिमियर लिग(आइपीएल)को ४० औं खेलमा दिल्ली क्यापिटल्सले गुजरात टाइटन्सलाई जितका लागि २ सय २५ […]

आइपीएल : दिल्ली र गुजरात भिड्दै

काठमाडौं । इण्डियन प्रिमियर लिग (आइपीएल) अन्तर्गत आज दिल्ली क्यापिटल्स र गुजरात टाइटन्सबीच खेल हुदै छ । दिल्लीको घरेलु मैदान […]