मुकेशको पाँच विकेटमा कंगारुको जित

काठमाडौं, वैशाख ५– मुकेश थारुले एक्लैले पाँच विकेट लिएपछि कंगारु क्रिकेट क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेटमा तीन विकेटको जित निकालेको छ ।

सिड्नीको बे्रसिङ्टन पार्कमा मुकेशको यादगार बलिङ प्रेरणामा कंगारुले बाउन्ड्रीलाइन क्रिकेट क्लबमाथि तीन विकेटको रोमाञ्चक जित निकालेको हो । १८ ओभरमा निर्धारित खेलमा १०३ रनको मध्यम लक्ष्य पछ्याएको कंगारुले एक ओभर बाँकी छँदा नै सात विकेटको क्षतिमा पूरा गर्यो । कंगारुका लागि सुशीलले ३३ रन र अनिष बाबुले २२ रनको योगदान दिँदै आफ्नो टोलीलाई जित दिलाए । बाउन्ड्रीलाइनका बलरले पनि किफायती बलिङ गरे पनि मध्यम लक्ष्य रक्षा गर्न सकेनन् ।

बाउन्ड्रीलाइनका विवेकले चार ओभरमा १४ मात्र खर्चिंदै चार विकेट लिए । ज्ञानु र उत्सवको नाममा १÷१ विकेट रह्यो । त्यसअघि ब्याटिङ गरेको बाउन्ड्रिलाइनले ९ विकेट गुमाउँदै १०२ रनको मध्यम योगफलमा खुम्चियो । उसका लागि २९ बलमा ३९ रन जोड्दा २० रनको योगदान दिए । कंगारुको बलिङमा मुकेशले पाँच विकेट लिँदा शिवजंगले दुई तथा शिशिरले एक विकेट निकाल्दै बाउन्ड्रिलाइनलाई सस्तैमा रोके । सोही दिन बे्रसिङ्टन पार्कमा सम्पन्न दोस्रो खेलमा पनि बाउन्ड्रिलाइनले सिम्रिक ब्वाइज क्रिकेट क्लबसँग तीन विकेटले नै हार वेहोर्यो।

२० ओभरमा निर्धारित खेलमा १२३ रनको लक्ष्य पाएको सिम्रिकले १५.५ ओभरमा सात विकेटको क्षतिमा पूरा गर्यो। किरण बाश्यको अर्धसतकीय योगदानमा सिम्रिकले सहज जित निकाल्यो । अलराउन्ड प्रदर्शन गरेका किरणले ३७ बलमा ५३ रन जोडे । त्यसअघि किरणकै तीन विकेट प्रेरणामा सिम्रिकले बाउन्ड्रिलाइनलाई १७ ओभरमा १२२ रनमै अलआउट गर्यो । रितेश र दीपेन्द्रले थप २/२ विकेट लिएपछि बाउन्ड्रिलाइनले ठूलो योगफल बनाउन सकेन । बाउन्ड्रिलाइनका लागि विवेकले २९ रन र विज्ञानले १७ रनको योगदान दिए ।

यता, कंगारुले पनि बे्रसिङ्टन पार्कमा भएको आफ्नो दोस्रो खेलमा हाम्रो युथ क्रिकेट क्लबसँग आठ विकेटको फराकिलो हार सामना गर्यो । पहिले ब्याटिङ गरेको कंगारु १४.१ ओभरमा मात्र ५४ रनमै समेटियो । कंगारुका लागि शिशिरको ११ रन र शैलेषको १० रन नै सर्वाधिक व्यक्तिगत स्कोर रह्यो । हाम्रो युथको कसिलो बलिङसामू कंगारु टिक्नै सकेनन् । साहिल थापाले चार विकेट लिँदा रिजनले तीन र पवनले एक विकेट निकाले । चार ओभरमा १३ रन मात्र खर्चिएका साहिल म्यान अफ दी म्याच घोषित भए । सामान्य लक्ष्य पछ्याएको हाम्रो युथले आक्रामक ब्याटिङ गर्दै ४.४ ओभरमा मात्र दुई विकेट गुमाउँदै ५५ रन जोडेपछि फराकिलो जित निकाल्यो । उसका लागि राजनले २६ रन र साहिलले १३ रन जोडे ।

त्यस्तै द रोयल खुकुरी क्रिकेट क्लबका प्रज्वल ढकालले जारी प्रतियोगितामा नै पहिलो ह्याट्रिक लिए पनि आफ्नो टोलीलाई हारबाट जोगाउन सकेनन् । इभर्ली पार्कमा भएको खेलमा खुकुरीले एई ग्लोबल क्रिकेट क्लबसँग १७ रनको हार बेहोर्यो । १५० रनको लक्ष्य पछ्याएको द रोयल खुकुरी १९औं ओभरमा १३२ रनमै समेटियो । द रोयल खुकुरीका लागि पियुसले ४२ रन जोडे । प्रज्वल २४ रनको योगदान गर्दै अलराउन्ड प्रदर्शन गरे पनि उनको टोली खुकुरी पराजित भयो ।

एई ग्लोबलका भुवन खत्रीले दुई विकेट लिँदै अलराउन्ड प्रदर्शन गरे । अनुरागले दुई तथा निकेशको नाममा समान एक विकेट रह्यो । त्यसअघि ब्याटिङ गरेको एई ग्लोबलले निर्धारित २० ओभरमा ९ विकेट गुमाउँदै १४९ रन जोड्यो । उसका लागि विवेकले ४० रन, भुवनले ३२ रन र महेन्द्रले २१ रनको योगदान दिए । द खुकुरीका लागि प्रज्वलले ह्याट्रिक गर्दा पियुसले तीन विकेट तथा माधवले दुई विकेट निकाले । त्यसअघि ब्रेसिङ्टन पार्कमा भएको दिनको पहिलो खेलमा लुम्बिनी क्रिकेट क्लबले तराई टाइगर स्पोटर््स क्लबलाई तीन विकेटले हरायो ।

७७ रनको सामान्य लक्ष्य लुम्बिनीले १९औं ओभरमा सात विकेटको क्षतिमा पूरा गर्यो । लुम्बिनीका लागि विशालले २१ रन र सरोजले १६ रनको योगदान दिए । तराईका अरुसले एक ओभरमा दुई विकेट लिँदा ३ रन मात्र खर्चिए । पेम्बाको दुई र अमनको नाममा एक विकेट रह्यो । त्यसअघि ब्याटिङ गरेको तराइ टाइगर १६.३ ओभरमा ७६ रनमै समेटियो । उसका लागि अमनले २३ रन र शिशिरले १६ रनको योगदान दिए । लुम्बिनीका अनिलमान र सुजनले समान तीन विकेट लिए ।





थप समाचार

दीपेन्द्र अहिलेसम्मकै उच्च वरियतामा

काठमाडौं । नेपाली राष्ट्रिय क्रिकेट टोलीका अलराउन्डर दीपेन्द्रसिंह ऐरीले वरियतामा छलाङ मारेका छन् । अन्तराष्ट्रिय क्रिकेट परिषद (आइसीसी)ले जारी गरेको […]

टी-२० विश्वकप : सुपर एटका खेल आजबाट

काठमाडौं । नवौं संस्करणको टी-२० विश्वकपको दोस्रो चरण (सुपर एट) का खेलहरु आज (बुधबबार) बाट सुरु हुदैछ । सुपर एटको […]

रोहितसँग झगडा गरेका तन्जिममाथि आइसीसीको कारबाही

काठमाडौं । बंगलादेशका तीव्र गतिका बलर तान्जिम हसन शाकिबमाथि अन्तराष्ट्रिय क्रिकेट परिषद (आइसीसी) ले कारबाही गरेको छ । आइसीसीले आइतबार […]

तथ्याकंमा नेपालको विश्वकप यात्रा..

काठमाडौं । नेपालले सन् २०१४ पछि दश वर्षको अन्तरालमा सन् २०२४ मा वेस्ट इन्डिज र अमेरिकामा जारी टी-२० विश्वकपमा सहभागीता […]

अफगानिस्तानमाथि वेस्ट इन्डिजको सानदार जित

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानमाथि सानदार जित […]

वेस्ट इन्डिजले अफगानिस्तानलाई दियो २१९ रनको लक्ष्य

काठमाडौं । वेस्ट इन्डिजले घरेलु भुमी तथा अमेरिकामा जारी नवौं संस्करणको टी-२० विश्वकपको समूह चरणको अन्तिम खेलमा अफगानिस्तानलाई जितका लागि […]