काठमाडौं, वैशाख १२– जफर अन्सारीको अलराउन्ड प्रदर्शन प्रेरित अमदब्लाम क्रिकेट क्लबले अस्ट्रेलियाको सिड्नीमा जारी दोस्रो संस्करणको क्याम प्रिमियर लिग क्रिकेटमा पाँच विकेटको जित निकालेको छ ।
सिड्नीको बे्रसिङ्टन पार्कमा ब्याटिङ र बलिङ दुवैमा जफर चम्किँएपछि अमदब्लाम क्रिकेट क्लबले बुद्धभूमि क्रिकेट क्लबमाथि सहज जित निकालेको हो । ११० रनको लक्ष्य अमदब्लामले १३.३ ओभरमा पाँच विकेटको क्षतिमा पूरा ग¥यो । अमदब्लामको जितमा जफरले २१ बलमा ४३ रन जोडे । बलिङतर्पm पनि उनको नाममा एक विकेट रह्यो । भुपेन्द्र थापाले २४ रन र दीप रानामगरले १३ रनको योगदान दिए । बुद्धभूमिको बलिङमा विजय कँडेल, विवेक र सागरले एक विकेट लिए पनि आफ्नो टोलीको हार टार्न असफल भए ।
त्यसअघि पहिले ब्याटिङ गरेको बुद्ध भूमि १८.५ ओभरमा १०९ रनमै समेटियो । बुद्ध भूमिका विजयले ३७ रन र नितेशले ३५ रन जोडे । अमदब्लामका रविन रेग्मीले उत्कृष्ट बलिङ गर्दै चार ओभरमा ९ रन मात्र खर्चिएर चार विकेट लिए । त्यस्तै सागर थापा र भुपेन्द्र थापाको नाममा समान दुई विकेट रह्यो । अन्य खेलमा एक्स्ट्राटेक क्रिकेट क्लब, क्याम युथ र वेस्ट युनाइटेड क्रिकेट क्लबले पनि सफलता प्राप्त गरे । एक्स्ट्राटेकले चितवन राइनोज क्रिकेट क्लबमाथि ५३ रनको जित निकाल्यो ।
१५० रनको लक्ष्य पछ्याएको चितवन १६.२ ओभरमा ९६ रनमा नै रोकिएपछि एक्स्ट्राटेकले सहज जित प्राप्त गरेको हो । अनिल पाठकले सर्वाधिक ३८ रन जोडे पनि चितवनको जितका लागि पर्याप्त भएन । रेशम भण्डारीले १४ रनको योगदान दिए । एक्ट्राटेकका सन्जय खत्रीले चार ओभरमा चार विकेट लिँदै चितवनको इनिङ धरासयी बनाए । आदित्य महता र अनिल साहुले समान दुई विकेट लिँदै किफायती बलिङ गरे । अलराउन्ड प्रदर्शन गरेका आदित्य म्यान अफ दी म्याचसमेत घोषित भए ।
त्यसअघि ब्याटिङ गरेको एक्स्ट्राटेक १९.५ ओभरमा १४९ रनमा अलआउट भयो । उसका लावि शूवर्ण विष्टले सर्वाधिक ४५ रन जोड्दा आदित्यले ३२ रन र अनिलले २४ रनको योगदान दिए । चितवका लागि रविन, प्रज्ञान र गौरवले समान दुई विकेट लिए । क्याम युथले द नेक्स्ट राइजिङ क्रिकेट क्लबमाथि पाँच रनको रोमाञ्चक जित निकाल्यो । १४६ रनको लक्ष्य पछ्याएको राइजिङले निर्धारित ओभर खेले पनि पाँच विकेटको क्षतिमा १४० रन मात्र जोड्न सफल भयो ।
राइजिङका देवाशिषले ३६ रन, युवराज जैशीले ३४ रन र पुरुषोत्तम उप्रेतीले २४ रन बनाए पनि जितका लागि पर्याप्त भएन । क्याम युथको बलिङमा सुदर्शन थापाले दुई तथा मुस्कान पाण्डे र विशाल चौधरीले समान १÷१ विकेट निकाले । त्यसअघि ब्याटिङ गरेको क्याम युथले २० ओभरमा पाँच विकेट गुमाउँदै १४५ रन जोड्यो । विजयी डिजीले ४८ रन जोड्दा सुयोगले २८ रनको योगदान दिए । त्यस्तै वेस्ट युनाइटेड क्रिकेट क्लबले जिएनआर क्रिकेट क्लबमाथि पाँच विकेटको जित निकाल्यो । १२० रनको लक्ष्य पाएको वेस्ट युनाइटेडले १९.२ ओभरमा पाँच विकेटको क्षतिमा पूरा ग¥यो ।
वेस्ट युनाइटेडको जितमा कृतन ताम्राकारले सर्वाधिक ३२ रन जोडे । जिएनआरका सुमनले सर्वाधिक चार विकेट लिए पनि आफ्नो टोलीको हार टार्न सकेनन् । त्यसअघि ब्याटिङ गरेको जिएनआरले २० ओभरमा ९ विकेट गुमाउँदै ११९ रन जोड्यो । उसका लागि सुनिल बानियाँले सर्वाधिक ३८ रन र विष्णुकुमार कटवालले २१ रन जोडे पनि त्यो जितका लागि पर्याप्त भएन ।
