नेपाल क्रिकेट संघ ( क्यान ) को सोमबार सम्पन्न कार्यसम्पादन कमिटिको बैठकले बिभिन्न महत्वपूर्ण निर्णयहरु गरेको छ।
क्यानले रिक्त रहेको नेपाली राष्ट्रिय क्रिकेट टिमको मुख्य प्रशिक्षक पद पूर्ति गर्नको लागि एक हफ्ता भित्र आईसीसीसंग समन्वय गर्दै सूचना प्रकासित गर्ने निर्णय गरेको छ। अब खुला प्रतिस्पर्धाद्वारा प्रशिक्षकको चयन हुनेछ।
यस अघि क्यानले हाल जिम्बाब्वेका प्रशिक्षक रहेका भारतीय प्रशिक्षक लालचन्द राजपुतलाई प्रशिक्षक बनाउन खोजेता पनि जिम्बाब्वे क्रिकेट बोर्डले उनलाई प्रशिक्षकमा कायमै राख्ने भएपछि क्यानको प्रयास विफल भएको थियो।
यस्तै क्यानले महाप्रबन्धक ( General Manager ) , बित्त प्रबन्धक ( Finance Manager ) , क्रिकेट व्यवस्थापकको ( Cricket Manager ) पदपूर्तिको लागि समेत आईसीसीसंगको समन्वयमा सूचना प्रकासित गर्ने बताएको छ।
फिजियोको रुपमा बिक्रम न्यौपाने नियुक्त
क्यानले नेपाली राष्ट्रिय टिमको पूर्णकालीन फिजियोको रुपमा बिक्रम न्यौपानेलाई नियुक्त गरेको छ। केहि समय देखि नेपाली यु-१९ र राष्ट्रिय टिमको फिजियोको जिम्मेवारी सम्हालीरहेका न्यौपानेलाई अर्को निर्णय नभएसम्मको लागि नेपाली राष्ट्रिय टिमसंग सम्बन्धित विषयहरुको समन्वय र व्यवस्थापनको जिम्मेवारी समेत दिईएको छ। यस अघि नेपाली क्रिकेट टिमको व्यवस्थापनको जिम्मेवारी भिडियो एनालिस्ट समेत रहेका रमन शिवाकोटीले सम्हाल्दै आएका थिए।
अन्य निर्णयहरु
क्यानले मुलपानी क्रिकेट मैदानको स्याहारको लागी आवस्यक ६ जना कर्मचारी थप गरेको छ। पोखरा, भैरहवा र बिरगंजमा १/१ जना पिच क्युरेटर समेत नियुक्त गरिने भएको छ। क्यानले आफ्नो बार्षिक साधारणसभा २०७७ भदौ १५ गते भित्र सम्पन्न गर्ने पनि निर्णय गेरको छ। यस्तै केन्द्रिय सदस्य जयन्ति भट्टको संयोजकत्वमा ‘महिला क्रिकेट विकास समिति’ पनि गठन गर्ने निर्णय गरेको छ।
यो पनि पढ्नुस :-
-टि-२० विश्वकप स्थगित गर्ने आईसीसीको निर्णय
– क्यानको ४ समितिले पायो पूर्णता
– सन्दिप खेल्ने सिपिएल टि-२० ले पायो आयोजनाको अनुमति
