- विकेटनेपाल, पुष-२२ , आइतबार
काठमाडौँ : लामो समय देखी विवादमा रहेको नेपाल क्रिकेट संघ (क्यान)को विवाद हाल सम्म सल्टिन सकेको छैन्। क्यान विवादलाई समाधान गर्नको निमित्त निलम्वनमा रहेको क्यानले अदालतमा दायर गरेको मुद्दा फिर्ता लिन अदालतमा शनिबार निवेदन दर्ता गराएको छ।
निर्वाचित समितिका महासचिव अशोकनाथ प्याकुरेलले आफुहरुले मुद्धा फिर्ताको लागि अदालतमा निवेदन बुझाई सकेको बताए। “हामिले मुद्दा फिर्ता लिन अदालतमा निवेदन दर्ता गराईसकेका छौ। अदालतबाटनै बाँकि कुरा हुनु पर्ने हो।”
“अब छिटै अदालतले पनि आफ्नो कारबाहि अगाडी बढाएर विवाद समाधानमा सहयोग पुराउनेछ भन्नेमा म बिश्वस्त छु।” प्याकुरेलले भने।
मुद्दा फिर्तासंगै नेपाली क्रिकेटको विवाद समाधानतर्फ उन्मुख हुने देखिएको छ। यस अघि अदालतको मुद्दा फिर्ता नलिदासम्म क्रिकेट विवाद समाधानको प्रक्रिया अघि बढ्न सकेन। आईसीसीको स्वतन्त्र कमिटिले गत महिना डिसेम्बर २६ सम्म अदालतको मुद्दा फिर्ता लिनुपर्ने समयसिमा बनेको थियो।
निलम्बित क्यानले मुद्दा फिर्ताको निवेदन दर्ता गराएपछि विवादको मुख्य चुरो जिल्ला निर्वाचनको अन्तिम रिपोर्ट आउन बाँकी छ ।
नेपाली क्रिकेटमा राजनीतिक हस्तक्षर भउको भन्दै आईसीसीले करिब साढे २ वर्ष अगाडी (२०७३) मा नेपाल क्रिकेट संघ क्यानलाई निलम्बन गरेको थियो।
नेपाल क्रिकेट संघले ४ बर्ष अघि साधारणसभामा चतुरबहादुर चन्दलाई अध्यक्ष चुनेको थियो जसलाई राष्ट्रिय खेलकुद परिषदले मान्यता दिएको थिएन। त्यसपछि परिषदले रमेश शिलवाललाई अध्यक्ष बनाएर क्यानको अर्को तदर्थसमिति बनाएको थियो। त्यसको बिरुद्ध निर्वाचिन क्रिकेट संघले २०७२ मङ्सिरमा सर्वोच्च अदालतमा मुद्दा हालेको थियो जुन अझै विचाराधीन रहेको छ।
आईसीसीले राखेप र क्रिकेट संघ दुवैलाई विचाराधीन मुद्दा फिर्ता लिन पत्र पठाएको थियो।
