क्यान प्रदेश-२ ले खेलाडिहरुको कोरोना बिमा गर्ने

प्रादेशिक क्रिकेट संघ, प्रदेश नं. २ ले शनिवार अनलाईन अन्तर्क्रिया गर्दै बिभिन्न निर्णयहरु गरेको छ। प्रदेश क्रिकेट संघका अध्यक्ष हिरा भगतको अध्यक्षतामा सम्पन्न अन्तर्क्रिया नेपाल क्रिकेट संघका कोषाध्यक्ष एवं प्रदेश सदस्य रोशन सिंहको प्रमुख आतिथ्यता तथा नेपाल क्रिकेट संघकै सदस्यद्धय माधव कर्मचाय र दाउद अन्सारीको बिशेष आतिथ्यतामा सम्पन्न भएको थियो ।

अन्तर्क्रियामा प्रदेशले समसामायिक बिषयमा छलफल गर्दै हाल प्रत्यक्ष रुपमा गरिने क्रियाकलापहरु नभएकोले अप्रत्यक्ष रुपमा गरिने क्रियाकलापहरुलाई प्राथमिकता दिने निर्णय गरेको छ ।

हाल बिश्वभर बिकराल रुप लिएको कोरोनाबाट सुरक्षाको लागि प्रदेशका सम्पुर्ण खेलाडिहरुलाई सुरक्षाका उपायबारे जानकारी गराउदै प्रदेशका नियमित पुरुष तथा महिला खेलाडिहरुको कोभिड बिमा गर्ने निर्णय गरेको छ। प्रदेश मातहतमा रहेका सम्पुर्ण ८ जिल्लाकै नियमित खेलाडिहरुको कोभिड बिमा अनिवार्य गर्न जिल्ला क्रिकेट संघहरुलाई निर्देशन दिने समेत निर्णय भएको जानकारी प्रदेश क्रिकेट संघका सचिव आयुश श्रेष्ठले जानकारी गराउनु भएको छ ।

त्यसै गरि अवस्था सामान्य भई यातायात संचालनमा आउनासाथ प्रदेश स्तरीय पहिलो स्तरको ( ‘ओ’ लेभलको ) अम्पायर तथा स्कोरिंग तालिमको आयोजना गर्ने जिम्मेवारी सप्तरी क्रिकेट संघलाई दिने समेत निर्णय भएको छ। यस्तै प्रदेशका न्युन आए भएका तथा कोभिडका कारणले जिविकोपार्जन गर्न कठिनाई भएका खेलाडिहरुको नामावली संकलन गरि प्रदेशमा पेश गर्ने जिम्मेवारी प्रदेशका सदस्य सुभाष जयसवाललाई दिएको छ ।

हाल दुवै किडनी खराब भएका तथा कोरोनाले समेत ग्रसित खेलाडि कुन्दन सिंह बचाउ अभियानमा सहयोग गर्ने सम्पुर्ण सहयोगी मनहरुलाई धन्यवाद दिदै कुन्दन सिंहलाई किड्नी दाता पाए पश्चात प्रत्यारोपणको लागि आवश्यक सहयोगको लागि समेत प्रदेशले पहल गर्ने समेत निर्णय भएको श्रेष्ठले जानकारी गराउनु भएको छ ।





थप समाचार

टियुलाई सुविधा सम्पन्न बनाउँने सरकारको निर्णय

काठमाडौं । नेपालको सबैभन्दा पुरानो कीर्तिपुर अन्तर्राष्ट्रिय क्रिकेट मैदानलाई सुविधासपन्न बनाउँने सरकारले पहिलो निर्णय गरेको छ । सोमबार बसेको नवनिर्वाचित […]

विश्वकपका लागि नेपालको प्रारम्भिक टोलीको घोषणा

काठमाडौं । नेत्रहिन क्रिकेट संघ नेपालले चौथो नेत्रहिन क्रिकेट विश्वकपका लागि १९ सदस्यीय नेपाली टोलीको घोषणा गरेको छ । सोमबार […]

चौधरी बने खेलकुद मन्त्री

काठमाडौं । तेजुलाल चौधरी सोमबार युवा तथा खेलकुदमन्त्री बनेका छन् । केपी शर्मा ओलीको नेतृत्वमा गठन भएको नयाँ मन्त्रीमण्डलमा नेपाली कांग्रेसका […]

जिम्बावेविरुद्धको सिरिज भारतले जित्यो

काठमाडौं । जिम्बावेविरुद्धको पाँच खेलको टी-२० आईको सिरिज पाहुना टोली भारतले ४-१ ले जितेको छ । आईतबार भएको सिरिजको पाँचौ […]

पोन्टिङ मुख्य प्रशिक्षकबाट हटाइए

काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् । २०२५ को आईपीएलको […]

एन्डरसनको स्थान वुडले लिने

काठमाडौं । इंग्ल्यान्डले तीव्र गतिका बलर जेम्स एन्डरसनले सन्यास लिएपछि वेस्ट इन्डिजविरुद्धको दोस्रो टेस्टका लागि मार्क वुडलाई टोलीमा समावेश गरेको […]