क्यानको साधारण सभा स्थगित

cricket association of nepal

नेपाल क्रिकेट संघ (क्यान) को वार्षिक साधारण सभा स्थगित भएको छ । क्यानले एक विज्ञप्ती जारी गर्दै धनगढीमा पुस १४ र १५ गते गर्ने तय भएको साधारण सभा स्थगित गरेको जनाएको छ ।

क्यनले संघमा आवद्ध ३९ जिल्लाहरु मध्ये चार वर्षे कार्यकाल पूरा भएका केही जिल्लाबाट जिल्ला अधिवेशन पश्चात मात्र केन्द्रीय साधारण सभा गर्नको लागि अनुरोध गरिएकोले साधारण सभा स्थगित गरिएको पनि उल्लेख गरेको छ ।

राष्ट्रिय खेलकुद परिषद् (राखेप) र अन्तर्राष्ट्रिय क्रिकेट परिषद् (आईसीसी) सँग समेत समन्वय गरी आगामी बोर्ड बैठकबाट साधारण सभाको नयाँ मिति तय गरिने समेत विज्ञप्तीमा उल्लेख छ ।

यसअघि क्यानका ६ जना बोर्ड सदस्यले वार्षिक साधारण सभा रोक्न भन्दै उजुरी दर्ता गरेका थिए । क्यानका सदस्यहरु अमितविर पाण्डे, ऋषिराम गौतम, मोहम्मद दाउद अन्सारी, करण महतरा, सञ्जयराज सिंह र छुम्बि लामाले संयुक्त रुपमा पत्रकार सम्मेलन गरी वार्षिक साधारण सभा रोक्न माग गरेका थिए ।

साधारण सभा रोक्न उजुरी परेपछि क्यानका अध्यक्ष चतुरबहादुर चन्द, कोषाअध्यक्ष रोशन सिंह, कार्यवाहक सचिव प्रशान्त विक्रम मल्ल र केन्द्रिय सदस्य दुर्गाराज पाठकले युवा तथा खेलकुद मन्त्री मरेश्वरजंग गहतराजसँग छलफलगरी हाललाई साधारण सभा स्थगित गर्ने निर्णय गरेको पनि बताईएको छ ।

( साभार – गोरखापत्र )





थप समाचार

नेपाललाई स्तब्ध बनाउँदै नेदरल्यान्ड्स च्याम्पियन

काठमाडौं । नेपाललाई हराउँदै नेदरल्यान्ड्सले त्रिदेशीय सिरिजको उपाधी जितेको छ । नेपाल, नामिबिया र नेदरल्यान्ड्स सहभागी सिरिजमा घरेलु टाेलीलाइ स्तब्ध […]

च्याम्पियन बन्न नेदरल्यान्ड्सलाई १ सय ८५ रनको लक्ष्य

काठमाडौं । राजधानीमा जारी त्रिदेशीय टी-ट्वान्टी आई सिरिजको च्याम्पियन बन्न नेपालले नेदरल्यान्ड्सलाई १ सय ८५ रनको लक्ष्य दिएको छ । […]

नेपालले टस जित्यो

काठमाडौं । नेपालले नेदरल्यान्ड्सविरुद्ध टस जितेको छ । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल […]

फाइनल खेलमा नेपालको सम्भावित प्लेईङ-११

काठमाडौं । मंगलबार नेपाल, नामिबिया र नेदरल्यान्ड्स सम्मिलित टी-ट्वान्टी आईको फाइनल खेलमा नेपाल र नेदरल्यान्ड्स खेल्दै छन् । नेपाल र […]

नेदरल्यान्ड्स र नेपाल फाइनलमा भिड्दै, यस्तो छ ईतिहास

काठमाडौं । काठमाडौंमा जारी नेपाल, नामिबिया र नेदरल्यान्ड्स सहभागी त्रिदेशीय टी-ट्वान्टी आई सिरिजको फाइनल खेलमा घरेलु टोली र नेदरल्यान्ड्सले मंगलबार […]

नेपालसँग खेल्ने आयरल्यान्ड वल्भ्सको टोली घोषणा, सिरिज मार्च २४ बाट

काठमाडौं । नेपाली सिनियर राष्ट्रिय टोली तथा नेपाल ए सँग खेल्ने आयरल्यान्ड वल्भ्सको टोली घोषणा भएको छ । आइतबार क्रिकेट […]