नेपाल क्रिकेट संघले भदौ दोश्रो साता गर्ने भनेको साधारण सभा अनिश्चितकालको लागि स्थगित गर्ने निर्णय गरेको छ।
मंगलबार प्रेस विज्ञप्तिमार्फत क्यानले कोरोना महामारीको कारण यस्तो निर्णय गर्नु परेको बताएको छ। कोरोना पछि स्थिति सामान्य भएको खण्डमा साधारणसभाको नयाँ मिति सार्वजनिक गरिनेछ। गत वर्ष नेपाल क्रिकेट संघको पुनर्गठन भएसंगै साउनमा बसेको बैठकले यो वर्ष भदौमा साधारणसभा गर्ने निर्णय गरेको थियो।
महिला राष्ट्रिय क्रिकेटरको पनि कोरोना बिमा
गत साता २३ पुरुष राष्ट्रिय क्रिकेटरहरुको कोरोना बिमा गरेको क्यानले महिला राष्ट्रिय क्रिकेटरहरुको समेत बिमा गरेको छ।
१८ जना महिला क्रिकेटरको बिमा गरिएको क्यानले बिज्ञप्तिमार्फत बताए पनि नाम भने सार्वजनिक गरिएको छैन। पुरुष क्रिकेटरहरुको पनि नाम क्यानले सार्वजनिक गरेको थिएन। क्यानले खेलाडी बाहेक ग्राउण्डस्टाफ तथा क्यानका कर्मचारीहरुको समेत गरि कुल ६९ जनाको बिमा गरेको जानकारी गराएको छ।
कोरोनाका कारण आईसीसीले नेपालले खेल्ने विश्व कप लिग-२ को खेलहरु यो वर्ष नगर्ने बताए पछि राष्ट्रिय टिमले अभ्यास सुरु गरेको छैन। यस अघि भदौ १ गते बाट अभ्यास सुरु गर्ने बताए पनि आईसीसीको सूचना पछि स्थगित भएको थियो। अब राष्ट्रिय टिमले कहिले अभ्यास सुरु गर्नेछ क्यानले जानकारी गराएको छैन। नेपाली राष्ट्रिय टिमले अन्तिम पटक मार्चमा थाइल्याण्डमा एसीसी टि-२० ( इस्टर्न रिजन ) प्रतियोगिता खेलेको थियो।
सम्बन्धित :-
https://wicketnepal.com/national-cricketer-10-hajar-talab-wn20/
https://wicketnepal.com/can-50-players-corona-wn20/
https://wicketnepal.com/nep-wc-l-2-wn20-practice-postponed-wn20/
यो पनि पढ्नुस :-
https://wicketnepal.com/jamaika-4th-vs-gyana-wn20-prev/
https://wicketnepal.com/ashwin-mankad-controversy-free-ball-wn20/
https://wicketnepal.com/ipl-best-bowling-3-teams-wn20/
https://wicketnepal.com/sandeep-credit-to-mujeeb-wn20/
https://wicketnepal.com/sandeep-n-rec-in-int-t20-leag-wn20/
