नेपाल क्रिकेट संघ (क्यान)ले असोज २८ गतेका लागि तोकिएको साधारण सभा स्थगित गर्ने भएको छ ।
कोरोनाबाट संक्रमित अध्यक्ष र सचिवको अवस्थामा सुधार नआएपछि क्यानले असोज अन्तिम साताका लागि निर्धारण गरेको साधारण सभा स्थगित गर्ने भएको हो । चितवनको सौराहामा असोज ६ गते बसेको क्यानको बोर्ड बैठकले वार्षिक साधारण सभा असोज २८ गते गर्ने निर्णय गरेको थियो ।
बैठकले पहिलो पटक महिला खेलाडीलाई केन्द्रिय सम्झौतामा अनुबन्धन गर्दै घरेलु क्रिकेट प्रतियोगिताको तालिका सार्वजनीक गरेको थियो । तर, खेलाडी वर्गीकरण पारदर्शी र वैज्ञानिक नभएको भन्दै आलोचना भएपछि क्यानले खेलाडी वर्गीकरणलाई पुनर्विचार गर्ने निर्णय गरेको थियो । क्यानले मंसिर १५ भित्र वार्षिक साधारण सभा सक्ने गरी असोज २८ गतेको तयारी स्थगित गर्ने निर्णय गरेको हो ।
गत वर्ष असोज ११ गते निर्वाचनमार्फत क्यानको नयाँ कार्यसमिति आएपनि वार्षिक साधारण सभा सम्पन्न गर्न सकेको छैन । चैतमा कोरोना कहर सुरु भएसगै क्यानको वार्षिक कार्यक्रम सहित साधारणसभा अनिश्चित बन्दै आएको छ ।
IPL : ताजा अंकतालिका, अरेन्ज र पर्पल क्यापमा को-को छन् अघि
IPL : ताजा अंकतालिका, अरेन्ज र पर्पल क्यापमा को-को छन् अघि
सिद्धार्थ रङ्गशाला १० वर्षमा १० प्रतिशत काम
IPL : हैदरावादसंग खेलपछि तेवतियाले कसलाई ठड्याए औंला, जान्नुस विवादको कारण
रोमान्चक खेलमा दिल्लीलाई पराजित गर्दै मुम्बई शिर्षस्थानमा
