काठमाडौं । नेदरल्यान्ड्समा हुने घरेलु टोली, अमेरिका तथा क्यानडा सहभागी रहने विश्वकप लिग टू सिरिज तथा त्रिदेशीय टी-२० सिरिजका लागि क्यानडाको टिम घोषणा भएको छ ।
साविकका कप्तान साद विन जाफरको स्थानमा निकोलस किर्तनलाई कप्तानको जिम्मेवारी दिदै टोलीको घोषणा भएको हो । क्रिकेट क्यानडाले किर्तनको कप्तानीमा १५ सदस्यीय टोलीको घोषणा गरेको हो ।
क्यानडाले नेदरल्यान्ड्समा घरेलु टोली तथा अमेरिका सहभागी रहने विश्वकप लिग टू अन्तर्गतको त्रिकोणात्मक सिरिज तथा त्रिकोणात्मक टी-२० आई सिरिज पनि खेल्नेछ ।
सिरिज अर्को महिनामा हुने भनिएपनि मिति भने तोकिएको छैन । क्यानडा विश्वकप लिग टूमा शतप्रतिशत जितका साथ शीर्ष स्थानमा छ । अमेरिकालाई भने लिग टूको यो पहिलो सिरिज रहने छ । नेदरल्यान्ड्स भने चार अंकका साथ चौथो स्थानमा छ ।
क्यानडाको टोली
निकोलस किर्तन (कप्तान), आरोन जोनसन, डिलोन ह्यालिगंर, दिलप्रित बाज्वा, हर्ष थाकर, जिरिमेन ग्रोडन, जुनेद सिद्धिकी, कलिम साना, कनवारपल ताथागुर, नवनिध धालिवाल, प्रगत सिंह, रविन्द्रपाल सिंह, रिसिभ जोशी, साद विन जाफर र श्रेयस मोभ्भा
