नेपाल क्रिकेट संघले आफ्नो सातवटै प्रदेश क्रिकेट संघहरुमा पहिलो पटक प्रशिक्षक नियुक्त गरेको छ। क्यानले प्रदेश-२, लुम्बिनी प्रदेश र सुदूरपश्चिम प्रदेशमा दुई जना तथा अन्य प्रदेशमा एक जना प्रशिक्षक नियुक्त गरेको छ।
प्रदेश नम्बर-१ मा पूर्व अन्डर-१९ राष्ट्रिय क्रिकेटर समेत रहेका पुष्प थापा प्रशिक्षक नियुक्त भएका छन्। यस्तै प्रदेश नम्बर-२ मा प्रकाश शर्मा र सुनिल कुमार शाह, बागमती प्रदेशमा संजय महर्जन, गण्डकी प्रदेशमा रिजन प्रजु नियुक्त भएका छन्। यस्तै पूर्व राष्ट्रिय क्रिकेटर बसन्त शाही र जमिल अन्सारी लुम्बिन प्रदेशमा बिरेन्द्र शाही कर्णाली प्रदेशमा तथा खेम राज भट्ट र पूर्व महिला राष्ट्रिय क्रिकेटर जानकी भट्ट सुदूरपश्चिम प्रदेशको प्रशिक्षक नियुक्त भएकी छिन्। भट्ट नियुक्त भएको मध्ये एक मात्र महिला प्रशिक्षक हुन्।
