विभागीय टोलि नेपाल पुलिस क्लबलाई २९ रनले पराजित गर्दै रुपन्देही क्रिकेट संघले प्रो क्लब च्याम्पियनसिपमा दोश्रो जित दर्ता गरेको छ। पहिलो खेलमा रुपन्देहीले मलेसिया क्लब-११ लाई ६ विकेटले पराजित गरेको थियो।
समुह ‘ए’ अन्तर्गतको खेलमा रुपन्देहीले दिएको ११८ रनको लक्ष्य पछ्याएको पुलिसले १८.५ ओभरमा ८८ रन मात्र बनायो।
स्कोरकार्ड , अंकतालिका हेर्नुस
पुलिसको लागि शंकर रानाले २८, रोशन बुढालले २५ तथा गुल्सन झाले ११ रन योगदान दिए। मन्जित श्रेष्ठ ७, दिलिप नाथ २, पवन सर्राफ र प्रेम तामांग १/१ तथा करन केसी खाता खोलि आउट भए।
रुपन्देहीको बलिंगमा देब्रे हाते स्पिनर बसिर एहमदले ३ विकेट तथा कृष्ण कार्की, अनिल खरेल र बिशाल बिक्रम केसीले २/२ विकेट लिए।
टस जितेर ब्याटिंग गरेको रुपन्देहीले २० ओभरमा ८ विकेट क्षेतीमा ११७ रन बनायो। उसको लागि विशाल बिक्रम केसीले सर्वाधिक २९ रन बनाए। बिक्रम भुसालले १९, बसिर एहमदले १७, देव खनाल र तुल बहादुर थापाले समान १३ रन बनाए।
पुलिसका देब्रे हाते स्पिनर पवन सर्राफले सर्वाधिक ४ विकेट तथा करन केसी, गुल्सन झा, सागर ढकाल र मन्जित श्रेष्ठले समान १ विकेट लिए।
जितपछि समुह ‘ए’ अंकतालिकामा रुपन्देही दुवै जितको साथ ४ अंक सहित शिर्षमा छ। पहिलो खेलमा पुष स्पोर्ट्ससंग पराजित पुलिस दोश्रो हार पछि अंकविहिन रहँदै तेश्रो स्थानमा छ। पुष स्पोर्ट्स २ अंक सहित दोश्रो तथा मलेसिया क्लब-११ चौंथो स्थानमा छ। अंकतालिका हेर्नुस
