चितवन र ललितपुर फाइनलमा

चितवन र ललितपुर अन्डर-१९ बागमती प्रदेश छनोट प्रतियोगिताको फाइनलमा प्रवेश गरेका छन्। फाइनल खेल बिहिबार मुलपानी क्रिकेट मैदानमा खेलिनेछ।

बुधबार सम्पन्न सेमीफाइनलमा चितवनले नुवाकोटलाई १७ रनले तथा ललितपुरले भक्तपुरलाई ५ विकेट पराजित गर्दै फाइनलमा स्थान पक्का गर्यो।

मुलपानी क्रिकेट मैदान ( १ ) मा सम्पन्न पहिलो सेमीफाइनलमा चितवनले दिएको २३५ रनको लक्ष्य पछ्याएको नुवाकोटले पुरै ४० ओभर ब्याटिंग गर्दै ६ विकेट क्षेतीमा २१७ रन मात्र बनाउन सक्यो। नुवाकोट ब्याट्सम्यान अशोक पौडेलले अविजित ८२ रन, आयुष बस्नेतले ४७ तथा अमृत थापाले २८ रन बनाएता पनि जितको लागि पर्याप्त भएन। चितवनका बलर प्रशान्त महतले ३ विकेट तथा गौतम केसी र प्रतिक श्रेष्ठले समान १ विकेट लिए।

टस जितेर ब्याटिंग गरेको चितवनले ४० ओभरमा ९ विकेट क्षेतीमा २३४ रन बनाएको थियो। उसको लागि सुजन चापागाईले सर्वाधिक ५६ रन, प्रशान्त महतले ३१, क्रिजन गुरुङले २४ रन , सुर्याँशु कोइरालाले २२ रन तथा विशाल यादवले १६ रन योगदान दिए। नुवाकोटका बलर आयुष बस्नेतले ३ विकेट , हैदर अलि र रोहण बिश्वकर्माले समान २ विकेट तथा अमृत थापाले १ विकेट लिए।

Ashok Poudel

मुलपानी क्रिकेट मैदान ( २ ) मा सम्पन्न दोश्रो सेमीफाइनलमा भक्तपुरले दिएको १३० रनको लक्ष्य ललितपुरले ३७.१ ओभरमा ५ विकेट क्षेतीमा भेटायो। ललितपुरको लागि फरिद खानले सर्वाधिक ५९ रन, बिबेक राना मगर र निराकार राईले समान १६ रन योगदान दिए। भक्तपुरका बलर सक्रिय राज कार्कीले २ तथा सुबाश खत्री, सन्जिब मानन्धर र कृष कार्कीले समान १ विकेट लिए।

टस जितेर ब्याटिंग गरेको भक्तपुरले ४० ओभरमा ८ विकेट क्षेतीमा १२९ रन बनाएको थियो। उसको लागि सुबाश खत्रीले सर्वाधिक ३३ रन, प्रशान्त पण्डितले २२ रन तथा सक्रिय राज कार्कीले २० रन बनाए। ललितपुरका बलर सौरभ श्रेष्ठले ३ विकेट, पर्भेज खानले २ विकेट तथा युनेश थापा, अथर्भ पौडेल र बिबेक राना मगरले समान १ विकेट लिए।





थप समाचार

कुशलको अर्धशतकमा नामिबियालाई १८१ रनको लक्ष्य

काठमाडौं । अलराउन्डर कुशल मल्लको विष्फोटक अर्धशतकको सहयोगमा नेपालले नामिबियालाई १ सय ८१ रनको लक्ष्य दिएको छ । टियु क्रिकेट […]

नेपालले टस हार्यो, भुर्तेल बेन्चमा

काठमाडौं । नामिबियाविरुद्ध नेपालले टस हारेको छ । नामिबियाका कप्तान जेजे स्मिथले टस जितेर बलिङ रोजेपछि नेपालले पहिला ब्याटिङ गर्दै […]

पाँचपोखरी क्रिकेट प्रतियोगिता : पाँचपोखरी र ह्याल्मो-११ सेमिफाइनलमा

काठमाडौं । पाँचपोखरी क्रिकेट क्लब र ह्योल्मो-११ ले पाँचपोखरी जिल्लास्तरीय टि२० क्रिकेट प्रतियोगिताको सेमिफाइनलमा स्थान बनाएका छन् । आज भएको […]

दाङ क्रिकेट लिग : देउखुरी र पुरनधारा फाइनल दौडबाट बाहिरियो 

दाङको घोराहीमा जारि नेपाल टेलिकम दाङ क्रिकेट लिग(डिसिएल) अन्तर्गत बिहिबार सम्पन्न दुई खेलमा तुलसीपुर रोयल्स र दंगाली लायन्स विजयी भएका […]

लिभेन्टको शतकमा नेदरल्यान्ड्सको सहज जित

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई सहज रुपले पराजित गरेको छ  । टियु मैदानमा भएको  खेलमा नामिबिया ५९ […]

लिभेन्टको शतकमा नामिबियालाई २४८ रनको लक्ष्य

काठमाडौं । ओपनर माईकल लिभेन्टको शतकमा नेदरल्यान्ड्सले नामिबियालाई २ सय ४८ रनको लक्ष्य दिएको छ । टियु मैदानमा जारी खेलमा […]