विकेटनेपाल , माघ -७
यही फाल्गुन २८ र ३० गते नेपालमै आयोजना हुने आईसीसी बिश्व क्रिकेट लिग च्याम्पियनसिपमा नेपाली क्रिकेट टिमलाई प्रशिक्षण गर्न पुर्ब अस्ट्रेलियन टेस्ट क्रिकेटर तथा बिभिन्न टेस्ट रास्ट्रका सफल प्रशिक्षक डेभ ह्वाटमोर नेपाल आउने पक्का भएको छ l
दुई साता भन्दा बढी नेपाली टिमलाई प्रशिक्षण गर्ने ह्वाटमोरलाई ‘ब्याट एण्ड बल फाउन्डेसन’ले नेपाल ल्याउन लागेको हो l ‘ब्याट एण्ड बल फाउन्डेसन’ को उद्घाटन ह्वाटमोरले नेपाल आएपछि गर्ने फाउन्डेसनका अध्यक्ष पारस शाक्यले जानकारी दिएका छन् l
सगग्र क्रिकेटलाई सहयोग गर्ने उदेश्यले स्थापना गरिएको फाउन्डेसनले ह्वाटमोरको सम्पूर्ण खर्च बेहोर्ने छ l जनवरी २५ देखि फेब्रुअरी ७ सम्म नेपाल रहंदा ह्वाटमोरले नेपाली टिमलाई प्रशिक्षण दिने र त्यसअघि २ दिन स्थानीय नेपाली प्रशिक्षकहरुलाई प्रशिक्षित समेत गर्ने जानकारी गराईएको छ l
ह्वाटमोर नेपाल आउनु नेपाली क्रीकेटको लागि फलदायी हुने र भबिष्यमा फाउन्डेसनले अन्य बिभिन्न कार्यक्रमहरु सार्बजनिक गर्ने अध्यक्ष शाक्यले बताएका छन् l बल एण्ड ब्याट फाउन्डेसन बसन्त चौधरी फाउन्डेसन नजिकको भएपनि स्वतन्त्र तरिकाले चल्ने समेत शाक्यले जानकारी गराएका छन् l
आईसीसीको अनुमतिमा र क्रिकेट खेलाडी संघको सहकार्यमा ह्वाटमोरले नेपाली टिमलाई सघाउने छन् l
पुर्ब अस्ट्रेलियन टेस्ट क्रिकेटर तथा श्रीलंकालाई १९९६ को बिश्वकप जिताईसकेका प्रशिक्षक ह्वाटमोरले पाकिस्तान, बंगलादेश र जिम्बाबे क्रीकेट टिम तथा आईपीएलमा कोलकाता नाइट राइडर टिमको प्रशिक्षकको जिम्मेवारी सम्हालीसकेका छन् l भर्खरै मात्रै जिम्बाबे रास्ट्रिय टिम प्रशिक्षण गरेका ६२ बर्षिय प्रशिक्षक उनले अस्ट्रेलियाको लागि सात टेस्ट र एउटा एकदिवसीय अन्तर्राष्ट्रिय खेल समेत खेलेका छन् l
भारतलाई २००७ को बिश्वकपमा बंगलादेशले पराजित गर्दा ह्वाटमोरनै प्रशिक्षक थिए भने त्यसै बर्ष बंगलादेशले पहिलो टेस्ट जित्दा, अस्ट्रेलिया र दक्षिण अफ्रीकालाई पराजित गर्दा पनि उनले प्रशिक्षण गरेका थिए l पाकिस्तान क्रिकेट टिमलाई प्रशिक्षण गर्ने सफल प्रशिक्षकको नाम लिंदा पनि ह्वाटमोरकै नाम अघि आउने गर्छ l
यो पनि पढ्नुहोस् :
- केन्यासंग नेपालको खेल फाल्गुनमा नेपालमै
- केन्यासंग खेल्न ५२ खेलाडी प्रारम्भिक छनौटमा, सोनु तामांग पनि अटाए
