- विकेटनेपाल – १ जेष्ठ, बुधवार
क्यारेबियन प्रिमियर लिग ( सिपिएल ) को २०१९ संस्करणको खेलाडी ड्राफ्टमा ४ नेपाली खेलाडीको नाम परेको छ। सिपिएलले बुधवार सार्वजनिक गरेको खेलाडीको सुचिमा कुल ५३६ खेलाडी रहेका छन्।
यो सिजन क्यारेबियन प्रिमियर लिग अगस्ट २१ देखि सेप्टेम्बर २७ सम्म वेस्टइन्डिजमा आयोजना हुने बताईएको छ। अघिल्लो सिजन सेन्ट किट्स एण्ड नेभिस प्याट्रीएट्सबाट खेल्दै सन्दिप लामिछाने क्यारेबियन प्रिमियर लिग खेल्ने पहिलो नेपाली खेलाडी बनेका थिए।
सन्दिपसंगै यस सिजनको सिपिएल ड्राफ्टमा दिपेन्द्र सिंह ऐरी, रोहित कुमार पौडेल र सोमपाल कामीले समेत आफ्नो नाम दर्ता गराएका छन्।
खेलाडी छनोटका लागि ड्राफ्टमा रहेका खेलाडीको सुची सिपिएलले हरेक टोलीलाई बुधवारनै पठाइसकेको छ। खेलाडी ड्राफ्टभने आउँदो मे २२ तारिकमा संचालन हुनेछ।
क्यारेबियन प्रिमियर लिगको ड्राफ्टबाट सन्दिप ५ हजार डलरमा छनौट भएका थिए। त्यस सिजन खेल्ने क्रममा नेपाली लेग स्पिनरले ५ खेलमा कुल ७ विकेट लिएका थिए।
कुनैपनि बिदेशी लिगको ड्राफ्ट सुचिमा ४ नेपाली खेलाडी परेको यो पहिलो समय हो। यसअघि पहिलो सिजनको अफगानिस्तान प्रिमियर लिगको ड्राफ्टमा सन्दिप लामिछानेसंगै पारस खड्का र सोमपाल कामीको समेत नाम रहेपनि सन्दिप मात्र प्रतियोगिताका लागि छनोट भएका थिए।
ड्राफ्टमा यस अघि पनि अन्य नेपाली खेलाडी दर्ता भए पनि सन्दिप लामिछाने बाहेक हालसम्म अन्य नेपाली खेलाडी विदेशी लिगको रोजाईमा पर्ने गरेका छैनन्।
A record 536 players have entered the CPL draft –
Alex Hales ✅
Rashid Khan ✅
Jofra Archer ✅
Shakib Al Hasan ✅Who do you think the teams should pick? Read more➡️ https://t.co/J4Z8Jy3pqv #CPL19 #BiggestPartyInSport #CricketPlayedLouder pic.twitter.com/xu3I1p75D0
— CPL T20 (@CPL) May 15, 2019
सिपिएल ड्राफ्टमा नेपालसंगै अफगानिस्तान, अष्ट्रेलिया, बंगलादेश, बर्मुडा, क्यानडा, इंग्ल्याण्ड, हंगकंग, भारत, आयरल्याण्ड, केन्या, न्युजिल्याण्ड, ओमान, पाकिस्तान, स्कटल्याण्ड, दक्षिण अफ्रिका, श्रीलंका, युएई, अमेरिका, जिम्बाबे र वेस्ट इन्डिजका खेलाडी रहेका छन्।
