नेपाली खेलाडी सन्दिप लामिछानेले खेल्ने क्यारेवियन प्रिमियर लिग (सिपिएल)लाई ट्रिनिडाड एण्ड टोबागोको स्थानीय सरकारले अनुमति दिएको छ।
यसअघि ट्रिनिडाड एण्ड टोबागोको सरकारले अनुमिति नदिँदा सिपिएल हुने नहुनेबारे अन्योल थियो । अब उक्त प्रतियोगिताका लागि अनुमति पाइपछि सिपिएल हुने पक्का भएको हो।
अगामी अगस्त १८ देखि सेप्टेम्बर १० तारिखसम्म सञ्चालन हुने सिपिएल दर्शक बिना रंगशालामा खेलाइनेछ । सिपिएलको पहिलो र दोस्रो संस्करण विभिन्न खेल मैदानमा खेलाइँदै आएकामा यसपाली तेस्रो संस्करण भने ट्रिनिडाड एण्ड टोबागोको दुई मैदानमा खेलाउन त्यहाँको सरकारले अनुमति दिएको छ।
सिपिएलमा भाग लिने खेलाडीको प्रतियोगिता अघि कोरोना संक्रमित भए नभएको परिक्षण गरिने आयोजकले जनाएको छ । खेलाडी र प्रशिक्षकमा कोरोना संक्रमण देखिएमा पूरै टोलीलाई १४ दिनको सेल्फ आइसोलेसनमा राखिने बताइएको छ। आयोजक सिपिएल र त्यहाँको सरकारबीच आइतबार प्रतियोगिता सञ्चालनको मापदण्डबारे सहमति भएको हो।
Hero CPL confirms Trinidad & Tobago as venue for 2020. Read more ➡️ https://t.co/8SyiRlbhWY #CPL20 #CricketPlayedLouder pic.twitter.com/sqrHhUFoBf
— CPL T20 (@CPL) July 10, 2020
ट्रिनिडाड एण्ड टोबागोमा हलसम्म १३३ कोभिड-२९ संक्रमणको केस देखिएकोछ जसमध्ये ८ जनाको मृत्यु भैसकेको छ भने १२० जना निको भैसकेका छन्।
उक्त प्रतियोगिताका लागि १९ वर्षीय सन्दीप ९० हजार डलरमा अनुबन्धित भएका छन् । उनलाई जमैका तलावाजले अनुबन्ध गरेको हो । उक्त प्रतियोगिताका लागि ड्राफ्टमा २३ देशका ५३७ खेलाडीले नाम दर्ता गराएका थिए।
सन्दीप सीपीएलका लागि तेस्रो पटक अनुबन्धित भएका हुन् । यसअघि उनी सीपीएलको पहिलो संस्करण सन् २०१८ मा सेन्ट किट्स एन्ड नाभिस प्याट्रियट्सका लागि पाँच हजार तथा दोस्रो संस्करण सन् २०१९ मा बार्बाडोस ट्राइडेन्सका लागि ७० हजार अमेरिकी डलरमा अनुबन्धित भएका थिए ।
यो पनि पढ्नुस :-
