एभरेष्ट प्रिमियिर लिग (इपीएल)को फ्रेन्चाइज टोली चितवन टाइगर्सले ट्यालेन्ट हन्टबाट छनोट भएका खेलाडीहरुलाई सार्वजनिक गरेको छ ।
मंगलबार भरतपुरस्थित होटल सिराइँचुलीमा कर्पोरेट हाउस, पत्रकारहरुको उपस्थितिमा औपचारिक रुपमा खेलाडी सार्वजनिक गरेको हो ।ट्यालेन्ट हन्टबाट कृजन गुरुङ, संघर्ष पौडेल, राजेश ढकाल, आकाश थापा र गौतम केसी छनौट भएका छन् । ट्यालेन्ट हन्टबाट छानिएका गौतमलाई यसअघि नै चितवनले ५० हजार रुपैयाँमा अनुबन्ध गरि सकेको छ । बाँकी चार खेलाडीबाट अन्तिममा एक खेलाडीलाई चितवनले अन्तिम टिममा समावेश गर्नेछ ।
छनोट भएका खेलाडीहरुलाई चितवन टाइगर्सका प्रमुख किशोर भट्टराईले टाइगर्सको क्याप प्रदान गर्दै स्वागत गरेका थिए । सो क्रममा बोल्दै भट्टराईले युवा खेलाडीहरुलाई टिमलले प्राथमिकतामा राखेको भन्दै युवा खेलाडीहरुलाई सिक्ने अवसर मिलेको बताए । उनले इपीएल सबै भन्दा ठूलो क्रिकेट प्रतियोगिता भएकाले युवा खेलाडीहरुलाई विदेशी खेलाडीहरुबाट सिक्ने मौका मिल्ने बताए ।
ट्यालेन्ट हन्टबाट छनोट भएका खेलाडीहरु चितवन टाइगर्सको प्रशिक्षणमा भदौ १० देखि सहभागि हुनेछन् । उनीहरु मध्ये एक जनालाई असोज २ गते अन्तिम टोलीमा घोषणा गरिने छ ।
कार्यक्रममा चितवन क्रिकेट संघका अध्यक्ष कैलाश प्रधान, लायन्स डिष्ट्रिक्ट ३२५ बी टु का गर्भनर लायन रामप्रसाद भट्ट, चितवन टाइगर्सका प्रमुख किशोर भट्टराईलगायतले मन्तव्य व्यक्त गरेका थिए । चौथो संस्करणको बजाज पल्सर एभरेष्ट प्रिमियर लिग (इपिएल) टि–२० क्रिकेट आउँदो असोज ९ गतेदेखि काठमाडौँस्थित टियु अन्तर्राष्ट्रिय क्रिकेट मैदानमा हुँदैछ ।
चितवन टाइगर्सको मुख्य प्रायोजक ‘प्रभु पे’ रहेको छ । यसका लागि चितवन टाइगर्सका प्रमुख किशोर भट्टराई र प्रभु म्यानेजमेन्टका प्रमुख कुसुम लामाले सम्झौता पत्रमा हस्ताक्षर गरि सकेका छन् । यस्तै एसोसियट स्पोन्सरमा सिल्क ग्रुप रहेको छ ।
१. कृजन गुरुङ : चितवन प्रिमियर लिगको फ्रेन्चाइज टिम भरतपुर गुर्खाजका कृजन गुरुङ प्रतियोगिताको उत्कृष्ट बलर घोषित भएका हुन् । नेपालमा बाँया हाते स्पिनर कल्चर विकास भइरहेको बेला १७ वर्षीय कृजन एभरेष्ट प्रिमियर लिगको आगामि सिजनको लागि छनौट भएका तीन खेलाडी मध्येका एक हुन् । उनले माडी टाइगर्सको बिरुद्ध पाँच विकेट लिएका थिए जो उनको गोर्खाहरुको अभियानको मुख्य आकर्षण थियो । गुरुङ पाँच खेलमा १३.५मा ७६ रन खर्चिएर ९ विकेट लिए थिए । उनले सीपीएल सीजन २०२० मा टिम गोर्खाको लागि मुख्य स्पिन बलरको रुपमा आफ्नो कर्तव्य निर्वाह गरेका थिए ।
२. आकाश थापा : लिग विजेता राप्ती र्यापिड्सका कप्तान आकाश थापाले उपाधि जित्ने अभियानमा ब्याट र बल दुबै प्रदर्शन गरे । उनी लिगको अलाउन्डर घोषित भएका थिए । २६ वर्षीय कप्तानले ९४ बलमा १२२ रन बनाए भने १९ ओभरमा आठ विकेट लिएका थिए । उनी २०१३ मा पोखरा क्षेत्रीय खेल छनोटको क्रममा स्याङजाबिरुद्ध चितवन जिल्ला टिमको लागी एक ओभर मा ६ छक्का प्रहार गरी चर्चामा आएका थिए । उनी ठूला सट प्रहार गर्न माहिर मानिन्छन्, कहिलेकाहीँ मध्यम गति र अफ स्पिन बलिङ गर्ने गरेका छन् । उनी चितवनका लोकप्रिय खेलाडी मध्ये एक हुन् । उनी पछिल्लो सिजनको चितवन टाइगर्स ट्यालेन्ट हन्ट विजेता हुन् जसले २०१८ मा एभरेस्ट प्रिमियर लिगमा टोलीको प्रतिनिधित्व गरेका थिए ।
३. राजेश ढकाल : सौराहा स्यान्ड्सका विकेटकीपर ब्याट्सम्यान राजेश ढकाल, ट्यालेन्ट हन्ट खेलाडीको रूपमा छनौट भएका थिए । टोलीको लागि लगातार उत्कृष्ट प्रदर्शनको साथ आफ्नो नाम बनाए । दाहिने हाते ब्याट्सम्यान ढकाल लीगमा टीमको लागी सर्वाधिक रन बनाए । उनको विकेटकिपिङको पनि उत्तिकै प्रशंसा भयो । चितवनमा उनी प्रशंसकको रोजाइँमा पर्छन् । ढकाल पूर्णताको लागी एंकरको भूमिका निभाउँछन् । उनी आफ्ना साझेदारसंग महत्वपूर्ण समयमा उत्कृष्ट व्याटिङ साझेदारी गर्न सक्ने खुबी भएका खेलाडी हुन् ।
४. गौतम केसी : छोटो समयमा उदाउदो दाहिने हाते तिव्र गतिका बलरको रुपमा उनले चितवन प्रिमियर लिगमा आफ्नो प्रभाव छाड्न सफल भएका छन् । उनले एक पटक फेरि चितवन टाइगर्स थिंक ट्या्कलाई तिव्र गतिको बलिङ जिम्मेवारीको लागी एक सम्भावित स्टारको रुपमा प्रभावित गर्न सफल भएका छन् । उनी नेपाल क्रिकेट संघद्धारा आयोजित भर्खरै सम्पन्न ५० ओभर प्रतियोगितामा आफ्नो प्रादेशिक टोली बागमतीको लागि उत्कृष्ट प्रदर्शन गरेका थिए । उनले २०२१ मा आयोजित पछिल्लो प्राइम मिनिस्टर कप टूर्नामेंटको दौरान एक फैंसी त्रिभुवन आर्मी क्लबको बिरुद्ध आफ्नो करियरको सर्वश्रेष्ठ ५–६१ दर्ता गरे ।
५. संघर्ष पौडेल : त्यसै गरी, संघर्ष पौडेल क्रिकेटको भविष्यमा चितवनको अर्को उज्यालो नाम हो । एक उज्ज्वल युवा क्रिकेटरहरु स्थानीय पर्यवेक्षकहरु र प्रशिक्षकहरुलाई प्रभावित गर्न असफल भएनन् र यसैले टाइगरको ट्यालेन्ट हन्टको लागि सिफारिस गरिएको हो । उनी दायाँ हाते स्पिन बलर हुन् भने टिमका लागि व्याटिङबाट पनि योगदान दिन सक्छन् ।
चितवन टाइगर्सको टोलीः सोमपाल कामी (कप्तान), कमल सिंह ऐरी, शाहब आलम, इशान पाण्डे, ललित सिंह भण्डारी, दीलिप नाथ, सागर ढकाल, राजेश पुलामी मगर, हासिम अन्सारी, भीम सार्की, खडक बहादुर बोहरा, आदिल खान, सन्दीप सुनार, देवराज खनाल, गौतम केसी, शेकुगे प्रसन्न (श्रीलंका), मोहम्मद शाहजाद (अफगानिस्तान), करिम जन्नत (अफगानिस्तान), डानिस अजिज (पाकिस्तान) र वीरनदीप सिंह (मलेसिया)
चितवन टाइगर्सको प्रशिक्षण टोलीःप्रमुख प्रशिक्षकः सामसन जंग थापा, टिम व्यवस्थापक र सहायक प्रशिक्षकः पुरु सिंह, टिम मेन्टर र सहायक प्रशिक्षकः पुरनेन्दु घोष,
टिम डाक्टरः डा.प्रकाश पौडेल, फिजियोथेरापिस्टः डा.सौगात श्रेष्ठ
टिम व्यवस्थापनः टिम प्रमुखः किशोर भट्टराई, अप्रेशन डाइरेक्टरः विनिता चौधरी भट्टराई, असिसटेन्ट मिडिया डाइरेक्टरः राजन शाह, पीआर एण्ड मार्केटिङः अशुतोष घिरैया
