टि-ट्वान्टी विश्वकप अन्तर्गत अफगानिस्तान र न्युजिल्यान्ड बीच आइतबार सम्पन्न खेल भएको मैदान अबुधाबीको शेख जायद स्टेडियमका प्रमुख पिच क्युरेटर मोहन सिंह आफ्नै कोठामा आइतबार विहान मृत फेला परेका छन्। उनको मृत्यु भएको युएई क्रिकेट एसोसिएसनले पुस्टि गरेको छ।
भारतीय समाचार एजेन्सी पीटीआईका अनुसार युएई क्रिकेट एसोसिएसनले यस बारे छिट्टै अधिकारिक वयान जारि जारी गर्नेछ। म्याचको अगाडी सिंहको मृत्युको कारण थाहा भएको छैन। मिडिया रिपोर्टहरुका अनुसार उनले आत्महत्या गरेको पनि बताईएको छ।
सिंहको मृत्युको जांच स्थानीय पुलिसले गरिरहेको छ। सुरुवाती जांच पछि मात्रै अधिकारिक वयान आउने अनुमान गरिएको छ। भारतको पन्जाब घर भएका करिब ४५ वर्षीय सिंह सन् २००४ देखि युएईमा रहँदै आएका थिए।
