काठमाडौं,
ललितपुरमा रहेको डीएभी सुशील केडिया विश्व भारती स्कुलले तीन जना उदीयमान क्रिकेटरलाई पूर्ण छात्रवृत्ति प्रदान गर्ने भएको छ ।
विगत लामो समय देखि क्रिकेटका क्षेत्रमा योगदान गर्दै आएको डीएभी सुशील केडियाले फरक उमेर समूहका तीन जना उदीयमान क्रिकेटरलाई छात्रवृत्तिका लागि सूचना जारी गरेको छ ।
एक विज्ञप्ति जारी गर्दै स्कुलले १० देखि १२, १२ देखि १४ र १५ देखि १७ वर्ष उमेर समूहका तीन जनालाई पूर्ण छात्रवृत्ति प्रदान गर्ने जनाएको छ ।
क्रिकेट एकेडेमी वा क्रिकेट सङ्घबाट सिफारिस भएका उदीयमान खेलाडीलाई पूर्ण छात्रवृत्ति प्रदान गर्ने स्कुलले जनाएको छ ।
सकारात्मक नतिजातर्फ उन्मुख नेपाली क्रिकेटका क्षेत्रमा नयाँ प्रतिभाको उजागरका लागि उक्त छात्रवृत्ति घोषण गरिएको स्कुलले जनाएको छ ।
