युवा खेलाडीहरुलाई व्हाटमोरको यस्तो टिप्स ( भिडियो सहित )

• विकेटनेपाल – माघ २० , किर्तिपुर 

नेपाली क्रिकेट टिमलाई प्रशिक्षण गराईरहेका बिश्वप्रसिद्ध प्रशिक्षक डेभ व्हाटमोरले बिहीबार किर्तिपुर स्थित हिमालयन क्रिकेट एकेडेमीको भ्रमण गर्दै क्रिकेट टिप्स दिए l

श्रीलंकालाई १९९६ बिश्वकप जिताएका व्हाटमोरले क्रिकेटको सिपहरु सिक्न एकेडेमीको विद्यार्थीलाई प्रोत्साहन गरे-

“क्रिकेटको सिपहरु सिक र तिखार किनकि जब उमेर बढ्दै जान्छ त्यो बेला राम्रो सिप भएको खेलाडीले मात्र अतिरिक्त अफ्टेरो परिस्थितिको सामना गर्नसक्छ l”

पाकिस्तान, बंगलादेश, श्रीलंका, जिम्बाबे र आइपीएलमा कोलकाता नाइट राइडरको प्रशिक्षण गरिसकेका ६२ बर्षिय व्हाटमोरले जति सक्दो सिप तिखार्न पर्ने आवस्यकतामा जोड दिए l

“तिमि ब्याट्सम्यान हौ भने उमेर बढ्दै जाँदा बल झन् तिब्र गतिमा आउछ, यदी तिमि बलर हौ भने ब्याट्सम्यान झनै सुधारिएको हुनेछ त्यसैले तिमिहरुको सिप राम्रो हुनु आवस्यक छ”

उनले एकेडेमीमा सिक्दा जति सक्दो प्रशिक्षकहरुको सहायता लिंदै धेरै प्रश्न गर्न समेत आग्रह गरे –

“भोलि कस्लाई थाहा छ ? तिमिहरु मध्येबाट कोहि रास्ट्रिय टिमबाट खेल्नेछ”

अस्ट्रेलियाबाट ७ टेस्ट र एउटा एक दिवसीय अन्तर्राष्ट्रिय खेलेका व्हाटमोरले एकेडेमीको सुबिधाको तारिफ गर्दै प्रशिक्षार्थीहरु भाग्यमानी रहेको बताए l साथै उनले फिटनेस खेलाडीको लागि अत्यन्त आवस्यक रहेकोमा जोड दिदै फिटनेसलाई हेलचेक्र्याइँ नगर्न समेत अनुरोध गरे l

व्हाटमोर संगै एकेडेमी पुगेका नेपाली टिमका फिटनेस ट्रेनर राजेश चौहानले पनि प्रशिक्षार्थीहरुलाई टिप्स दिएका थिए l जिम्बाबे क्रिकेट टिमका फिटनेस ट्रेनर रहीसकेका चौहानले खेलाडीलाई फिटनेसको महत्व बताऊदै स्वस्थ खाना खान उतिकै आवस्यक रहेको बताए l

हिमालयन क्रिकेट एकेडेमी क्रिकेटर भुवन कार्की, प्रदिप ऐरी लगायतको लगानीमा यसै बर्ष स्थापना गरिएको हो l

व्हाटमोरलाई बल एण्ड ब्याट फाउन्डेसनले नेपाल र केन्या बीच बिश्व क्रिकेट लिग च्याम्पियनसिपको तयारीमा रहेको नेपाली टिमको प्रशिक्षणको लागि नेपाल ल्याएको हो l

https://www.youtube.com/watch?v=Zh5UETPZN3Y&feature=youtu.be