- विकेटनेपाल, साउन २८
रोयल इन्डोर इन्टर स्कुल इन्डोर क्रिकेट प्रतियोगिताको उपाधि डीएभी स्कुल ( जावलाखेल ) ले जितेको छ। गोल्फुटार स्थित रोयल इन्डोरमा सम्पन्न फाइनल खेलमा डीएभीले ग्यालेक्सी पब्लिक स्कुललाई ६ रनले पराजित गर्यो। बिजयी टिमले ट्रफी प्राप्त गर्यो ।
फाइनलमा टस जितेर पहिले बलिङ्ग रोजेपछि ब्याटिंग गरेको डिएभीले निर्धारित १२ ओभरमा २ विकेट गुमाएर ९१ रनको योगफल तयार गरेको थियो। डीएभीको लागि ओपनिङ्ग ब्याटिंग गरेका रोनक गोयलले ४३ तथा चिराग अग्रवालले २३ रन योगदान दिए भने बलिङ्गतर्फ ग्यालेक्सीका असिम केसीले २ विकेट लिए।
९२ रनको लक्ष्य पछ्याउने क्रममा ग्यालेक्सीले सम्पूर्ण विकेट गुमाएर ८५ रन मात्रै बनाउन सकेपछि खेल रोमान्चक ६ रनको अन्तरले हार्यो। ग्यालेक्सीको लागि सुबाश यादबले सर्वाधिक ५८ तथा दावा शेर्पाले ११ रन बनाए। डीएभी बलर आशिष शाहले सर्वाधिक २ विकेट तथा प्रभात चतुर्बेदी, अर्पित खेतानखेतान र शिखर बोथराले समान १ विकेट लिए।
प्रतियोगिताको उत्कृस्ट खेलाडी र उत्कृस्ट बलर डीएभी स्कुलका शिखर बोथरा घोषित भए। फाइनल खेलको प्लेयर अफ द म्याच सुबाश ग्यालेक्सीका सुबास यादब घोषित भए।
कुल २० टोलि सहभागी भएको प्रतियोगिता साउन २१ देखि सुरु भएको थियो।