- विकेटनेपाल – माघ २६
२ साता नेपाल बसाइँ सकेर स्वदेश फर्कनु अघि प्रशिक्षक डेभ व्हाटमोरले नेपाली क्रिकेटरहरुको प्रतिभाको तारिफ गर्दै नेपालले सुधार्नु पर्ने पक्ष औल्याएका छन्।
२१ जनवरीमा नेपाल आएका पुर्ब श्रीलंका, पाकिस्तान, बंगलादेश र जिम्बाबे रास्ट्रिय क्रिकेट टिमका प्रशिक्षक व्हाटमोर ७ फेब्रुअरी ( बिहिबार ) स्वदेश फर्किए । ब्याट एण्ड बल फाउन्डेसनको सम्पूर्ण खर्चमा नेपाल आएका पुर्ब अस्ट्रेलियन क्रिकेटरले पहिलो २ दिन नेपाली प्रशिक्षकहरुलाई र १० दिन बिश्व क्रिकेट लिग च्याम्पियनसिप तयारीमा रहेको ३२ सदस्यीय नेपाली टिमलाई प्रशिक्षण गरे ।
स्वदेश फर्कनु अघि विकेटनेपालसंगको कुराकानीमा ६२ बर्षिय व्हाटमोरले नेपालले सुधार्नु पर्ने पक्षबारे आफुले काम गरेको बताए-
‘अन्य विकासोन्मुख क्रिकेट रास्ट्रहरु जस्तै नेपालले सुधार गर्नु पर्ने पक्ष भनेको खेलको अफ्टेरो परिस्थितिहरु सामना गर्दा देखाउने प्रतिक्रिया हो र त्यही पक्ष जोड दिएर मैले काम गरे ।’
नेपाली खेलाडीहरु प्रतिभावान रहेको जसलाई अवसरको खाँचो रहेको कुरामा जोड दिंदै उनले भने-
“म निकै खुसि छु यहाँको खेलाडीहरुमा भएको प्रतिभा देखेर l भर्खरै यु-१९ एसिया कपमा श्रीलंका जस्तो रास्ट्रसंग १ रनको नतिजाले हार्नु त्यसको प्रमाण हो। त्यो त यु-१९ स्तरको उदाहरण मात्रै हो, अवस्य नेपालमा त्यो भन्दा अझ धेरै राम्रा खेलाडीहरु छन् । ति खेलाडीहरुको विकास हुनु जरुरिछ, उनीहरुले अवसर पाउनु जरुरि छ र उनीहरुलाई आवस्यक पर्ने सुबिधा पाउनुपर्ने आवस्यकता छ ।’
नेपाली क्रिकेट टिम माथिल्लो स्तरमा क्रिकेट खेलीरहेको भएता पनि आयरल्याण्ड, अफगानिस्तान जस्तो रास्ट्रहरुको स्तरमा पुग्न भने अझ धेरै बाटो हिंड्नु पर्ने उनले बताए-
“नेपाल बिश्व क्रिकेट लिग च्याम्पियनसिप जस्तो ठुलो स्तरमा क्रिकेट खेलीरहेको छ जसको बाटो हुँदै नेपालको बिश्वकप खेल्ने सम्भावना छ। तर आयरल्याण्ड र अफगानिस्थानले जसरि बिश्व क्रिकेटमा स्थान बनाउनु र सोच्न भन्दा पनि पहिले नेपालमा प्रथम श्रेणी क्रिकेट हुनु आवस्यक छ।”
व्हाटमोर श्रीलंकालाई १९९६ को बिश्वकप जिताएका प्रशिक्षक हुन्। अस्ट्रेलियाको लागि सात टेस्ट र एक एकदिवसीय खेलेका उनि पछिल्लो पटक जिम्बाबे रास्ट्रिय क्रिकेट टिमको प्रशिक्षक थिए।
यो पनि
- व्हाटमोरले नेपाली टिमलाई प्रशिक्षण गरेको भिडियो हेर्न क्लिक गर्नुस
- युवा खेलाडीहरुलाई व्हाटमोरको यस्तो टिप्स ( भिडियो सहित )
