सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ।
युएईमा जारि लिगको दुबई अन्तर्राष्ट्रिय स्टेडियममा सम्पन्न खेलमा हैदरावादले दिएको १३५ रनको लक्ष्य दिल्लीले १७.५ ओभरमा २ विकेट क्षेतीमा पुरा गर्यो।
लक्ष्य पछ्याउने क्रममा ओपनर पृथ्वी श ११ रन बनाएर आउट भएपछि अर्का ओपनर शिखर धवनले दोश्रो विकेटको लागि श्रेयस ऐयरसंग ५२ रनको साझेदारी गरे। धवन ३७ बलमा ६ चौका र १ छक्का मद्दतले ४२ रन बनाएर राशिद खानबाट आउट भएपछि ऐयरले कप्तान रिशभ पन्तसंग तेश्रो विकेटको लागि अर्धशतकीय साझेदारी गर्दै टिमलाई जित दिलाए। ऐयरले ४१ बलमा २ चौका र २ छक्का मद्दतले अविजित ४७ तथा पन्तले २१ बलमा ३ चौका र २ छक्का मद्दतले अविजित ३५ रन बनाए।
यस अघि टस जितेर ब्याटिंग गरेको सनराइजर्स हैदरावादले २० ओभरमा ९ विकेट क्षेतीमा १३४ रन बनाएको थियो। उसको लागि अब्दुल समदले सर्वाधिक २८ तथा राशिद खानले २२ रन योगदान दिए। रिद्दिमान शाह र केन विलीयमसनले समान १८ रन, मनिष पाण्डेले १७ रन तथा जेसन होल्डरले १० रन बनाए। डेभिड वार्नर खाता नखोली पहिलो ओभरमै आउट हुन पुगे।
दिल्लीको बलिंगमा कागीसो रबाडाले ३ विकेट ( ४-०-३७-३ ) लिए भने एनरिक् नोर्किया ( ४-०-१२-२ ) र अक्षर पटेल ( ४-०-२१-२ ) ले समान २ विकेट लिए।
जितपछि लिग अंकतालिकामा दिल्ली १४ अंक सहित शिर्ष स्थानमा पुगेको छ जसले ९ खेलमा ७ जित र २ हार बेहोरेको छ। १२ अंक सहित चेन्नाई दोश्रो स्थानमा छ। हार पछि हैदरावाद ८ खेलमा ७ हार र १ जितको साथ २ अंक बटुल्दै आठौँ स्थानमा छ।
