कोलकाता नाइट राईडर्सलाई ४४ रनले पराजित गर्दै दिल्ली क्यापिटल्स आईपीएल अंकतालिकाको छैठौं स्थानमा उक्लेको छ।
बारबर्न स्टेडियम मुम्बईमा सम्पन्न खेलमा दिल्लीले दिएको २१६ रनको विशाल लक्ष्य पछ्याएको कोलकाता १९.४ ओभरमा १७१ रन समेटियो।
कोलकाताको लागि कप्तान श्रेयस ऐयरले सर्वाधिक ५४ रन बनाएता पनि जित्न पर्याप्त रहेन। नितिश रानाले ३० तथा आन्द्रे रसेलले २४ रन बनाए। ऐयरले तेश्रो विकेटको लागि रानासंग ६९ रनको साझेदारी गर्नु बाहेक इनिंग्समा ठूलो साझेदारी भएन।
दिल्लीको बलिंगमा कुलदिप यादवले सर्वाधिक ४ विकेट ( ४-०-३५-४ ) तथा खलिल एहमदले ३ ( ४-०-२५-३ ) विकेट लिए। शार्दुल ठाकुरले २ तथा ललित यादवले १ विकेट लिए। प्लेयर अफ द म्याच चुनिएका यादवले श्रेयस ऐयरको महत्वपूर्ण विकेट समेत लिए।
टस हारेर ब्याटिंग गरेको दिल्लीले २० ओभरमा ५ विकेट क्षतिमा २१५ रन बनायो। उसको लागि डेभिड वार्नरले सर्वाधिक ६१ तथा पृथ्वी शले ५१ रन बनाए। वार्नरले ४५ बलमा ६ चौका र २ छक्का तथा शले २९ बलमा ७ चौका र २ छक्का प्रहार गरे। वार्नर र श बीच ९३ रनको ओपनिंग साझेदारी भयो। दोश्रो विकेटको लागि वार्नर र रिशभ पन्तले ५५ रन जोडे। शार्दुल ठाकुरले अन्तिममा आक्रामक ब्याटिंग गर्दै ११ बलमा १ चौका र ३ छक्का मद्दतले २९ रन बनाए। अक्षर पटेलले १४ बलमा २२ तथा रिशभ पन्तले १४ बलमा २७ रन बनाए। छैठौं विकेटको लागि अक्षर र शार्दुल बीच ५९ रनको साझेदारी भयो।
कोलकाताका बलर सुनिल नारायणले २ विकेट लिंदा उमेश यादव, वरुण चक्रवर्ती र आन्द्रे रसेलले १/१ विकेट लिए।
आईपीएल अंकतालिका
