काठमाडौं । रिकी पोन्टिङले इन्डियन प्रिमियर लिग (आइपीएल) फ्रेन्चाइज दिल्ली क्यापिटल्सको मुख्य प्रशिक्षक पदबाट हटाईएका छन् ।
२०२५ को आईपीएलको मेगा अक्सन अगाडी पोन्टिङलाई पदबाट हटाईएको हो । उनी सन् २०१८ मा तत्कालिन दिल्ली डेयरडेभिल्सको मुख्य प्रशिक्षकमा नियुक्त भएका थिए ।
उनी सात सिजन दिल्लीको हिस्सा रहे । सन् २०१८ मा अन्तिम स्थानमा रहेको दिल्ली सन् २०१९, २०२० र २०२१ मा प्लेअफमा पुगेको थियो । सन् २०२० को फाइनलमा क्लब मुम्बइ इन्डियन्ससँग पराजित भएको थियो ।
आइपिएल २०२४ मा दिल्ली छैटौं स्थानमा रह्यो । विभिन्न सञ्चार माध्यममा आएका खबर अनुसार क्लबले हालका खेल निर्देशक सौरभ गांगुलीलाई मुख्य प्रशिक्षक बनाउने तयारी गरेको छ ।