- विकेटनेपाल – असार १९, मंगलवार
क्यानडामा जारी ग्लोबल टि-२० क्रिकेट प्रतियोगितामा सन्दिप लामिछानेले आफ्नो दोस्रो खेलमा उत्कृस्ट प्रदर्शन गर्दै गर्दा उनको बिषयमा आपत्तिजनक प्रतिक्रिया दिंदा अष्ट्रेलियायी कमेन्टटेटर डीन जोन्स भने बिबादमा मुछिएका छन्।
मोन्टरियल टाइगर्सका र भेनकोभर नाइट्सबिरुद्दको खेलका दौरान सन्दिपले उत्कृस्ट बलिंग प्रदर्शन गर्दै आफ्नो ४ ओभरको स्पेलमा १ मेडनसहित १९ रन खर्चेर १ विकेट हातपारे। आफ्नो बलिंगको अन्तिम ओभरका क्रममा सन्दिपको गुग्लीले ब्याट्सम्यानलाई चक्मा दिएपछि डीन जोन्सले अन एयर कमेन्ट्रिकै क्रममा उनको बिषयमा आपत्तिजनक प्रतिक्रिया दिनपुगेका थिए।
जोन्सले भने, “उनी नेपालबाट खेल्दैछन् र १७ बर्षको उमेरमा यतिहुनु धेरै राम्रो हो तर म भन्छु कि किन कुनै टेस्ट खेल्ने राष्ट्रले सन्दिपलाई धेरै पैसा दिएर आफ्नो देशबाट खेल्न लगाउंदैनन्?”
“17, yeah? This is amazing, this kid…. obviously playing for Nepal, but I dare say that… why wouldn’t some Test playing country offer the kid a lot of money to come across, make him play for them?” – @ProfDeano channeling his inner Sunny G while salivating over @IamSandeep25 pic.twitter.com/zx8pEUEw5b
— Peter Della Penna (@PeterDellaPenna) July 3, 2018
डीन जोन्सको यस अभिव्यक्ति पछि नेपाली र केहि बिदेशी समर्थक समेत आक्रोशित बनेका छन्। विश्व क्रिकेटमा यसअघि धेरै खेलाडीहरुले दुई राष्ट्रको लागि खेलिसकेको उदाहरण रहेको छ। ओएन मोर्गन (आयरल्याण्ड र इंग्ल्याण्ड), लुक रोञ्चि (अष्ट्रेलिया र न्युजिल्यान्ड), मार्क च्यापम्यान (हंगकंग र न्युजिल्यान्ड) जस्ता खेलाडीहरुले दुईवटा देशबाट खेलिसकेका छन्।
अष्ट्रेलियाका पुर्व खेलाडी डीन जोन्स लामो समयदेखि क्रिकेट कमेन्ट्रि र विश्लेषणमा आबद्ध छन्। विश्वकै ठुला प्रतियोगिताहरु आइपिएल, पीएसएल र अन्य अन्तर्राष्ट्रिय खेलहरुमा कमेन्ट्रि गर्दै आएका जोन्स यसअघि पनि एक विवादमा मुछिएका थिए। सन् २००६ मा कोलम्बोमा सम्पन्न श्रीलंका र दक्षिण अफ्रिका बिचको टेस्ट क्रिकेटको कमेन्ट्रिका क्रममा दक्षिण अफ्रिकी ब्याट्सम्यान हाशिम अम्लालाई आतंककारी भनेपछि जोन्सलाई टेन स्पोर्ट्स च्यानलले कमेन्ट्रि प्यानलबाट बर्खास्त गरेको थियो।
