काठमाडौं । प्रधानमन्त्री कप राष्ट्रिय क्रिकेट प्रतियोगितामा बलर चन्दन राम बलिङमा चम्कँदा नेपाल एपीएफ क्लब विजयी भएको छ ।
मुलपानी मैदानमा भएको खेलमा नेपाल एपीएफ क्लब ३ विकेटले पराजित गरेको हो ।
सुदूरले दिएको ८८ रनको लक्ष्य एपीएफले १४ दशमलब १ ओभरमा ७ विकेट गुमाएर पुरा गर्यो ।
एपीएफका लागि सन्दीप जोराले १५ बलमा अविजित १८ रनको सर्वाधिक ठूलो ईनिङ खेले । आसिफ शेखले १३ बलमा १५ तथा भुवन कार्कीले १९ बलमा १४ रन बनाए ।
सुदूरका लागि दिपक चन्द ले चार तथा नरेन साउदले तीन विकेट लिए ।
त्यसअघि टस हारेर पहिले ब्याटिङ गरेको सुदूरले १६ दशमलब २ ओभरमा अल आउट हुँदै ८७ रन बनायो ।
सुदूरका लागि नारायण जोशीले २५ बलमा अविजित २३ रन बनाए । ओपनर खडक बोहोराले ३३ बलमा २४ रन बनाउँनु बाहेक अन्यले दोहोरो अंकमा रन बनाउँन सकेनन् ।
पुरन विकको स्थानमा मौका पाएका चन्दन रामले सात ओभरमा ५१ रन खर्चिएर पाँच विकेट लिए । चन्दनको राष्ट्रिय प्रतियोगितामा यो डेब्यु खेल रहेको थियो । भुवन कार्कीले तीन तथा कप्तान रोहित कुमार पौडेलले दुई विकेट लिए ।
जितका साथ एपीएफको फाइनल सम्भावना कायम रहेको छ ।
