काठमाडौं । अस्ट्रेलियामा जारी अभानी प्रिमियर लिगमा लालिगुराँस क्रिकेट क्लबमाथि फराकिलो जितका साथ अभानी क्रिकेट क्लब शीर्ष स्थानमा उक्लिएको छ ।
यसै साता नेपाली राष्ट्रिय क्रिकेटरद्वय जितेन्द्र मुखिया र प्रदिप ऐरीको साथ पाएको अभानीले उत्कृस्ट प्रदर्शन गर्दै १ सय २६ रनको फराकिलो जित हात पारेको हो ।
पहिले ब्याटिङ गरेको अभानीले २० ओभरमा ५ विकेट गुमाएर १ सय ५५ रन बनाएको थियो ।
अभानीका लागि प्लेयर अफ द म्याच समेत घोषित अमित श्रेष्टले ५१ बलमा ७५ तथा सिद्धान्त राजले ४२ बलमा ३० रन बनाए । ओपनिंग गरेका प्रदिप ऐरीले ३ रन मात्र बनाउन सके। लालिगुराँसका तेज चन्दले २ विकेट लिएका थिए ।
१ सय ५६ रनको लक्ष्य पछ्याएको लालिगुराँस १२ दशमलब १ ओभरमा २९ रनमा समेटियो । लालिगुराँसका लागि क्षितिज सिंहले ६ तथा इन्द्रजित शर्माले ४ रन बनाए । अभानीका लागि जितेन्द्र मुखिया र कमल जिसीले चार चार विकेट लिए ।
लिगकै अर्को खेलमा द रोयल खुकुरी क्रिकेट क्लबले सगरमाथा क्रिकेट क्लबलाई १२ रनले पराजित गरेको छ । पहिले ब्याटिङ गरेको द रोयल खुकुरीले २० ओभरमा ९ विकेट गुमाएर १ सय ३१ रन बनाएको थियो ।
खुकुरीका लागि कप्तान पियुष गौतमले ४७ बलमा ७२ तथा सुभिज्ञ भट्टले २६ बलमा १४ रन बनाए । सगरमाथाका लागि माधव प्रसाईले तीन विकेट लिए ।
१ सय ३२ रनको लक्ष्य पछ्याएको सगरमाथाले २० ओभरमा ४ विकेट गसमाएर १ सय १९ रन मात्र बनाउँन सक्यो ।
सगरमाथाका लागि अनिलले ३० बलमा अविजित ३६ तथा अर्जुन श्रेष्टले ३७ बलमा २६ रन बनाए । खुकुरीका लागि जीवन ज्ञवाली र पियुष गौतमले समान दुई दुई विकेट लिए ।
तेस्रो खेलमा कंगारु क्रिकेट क्लबले एक्स्ट्राटेक क्रिकेट क्लबमाथि ८ विकेट जित हात पार्यो । पहिले ब्याटिङ गरेको एक्स्ट्राटेकले १९ दशमलब ४ ओभरमा १ सय १७ रन बनाएको थियो ।
एक्स्ट्राटेकका लागि सन्दीप पौडेलले २४ बलमा २७ तथा कृष्न तिवारीले २० बलमा २६ रन बनाए । कंगारुका लागि सुमन तिमिल्सिनाले चार विकेट लिए ।
१ सय १८ रनको लक्ष्य कंगारुले १६ ओभरमा २ विकेट गुमाएर पुरा गर्यो । कंगारुका लागि रोजल राउतले ५५ बलमा ५५ तथा सहदेव दाहालले १४ बलमा २४ रन बनाए । एक्स्ट्राटेकका लागि अनिल साहुले दुई विकेट लिए ।
चौथो खेलमा आमादब्लम ब्लजर्समाथि वारियर्स क्रिकेट क्लबले ७ विकेटको जित हात पार्यो ।
