इन्डियन प्रिमियर लिग ( आईपीएल ) टिम दिल्ली क्यापिटल्सले इंग्ल्यान्ड ओपनिंग ब्याट्सम्यान जेसन रोयको प्रतिस्थापन स्वरूप नयाँ खेलाडीको घोषणा गरेको छ। दायाँ हाते ब्याट्सम्यान रोय अभ्यासको क्रममा घाइते भएपछि पाकिस्तान बिरुद्धको आगामी सिरिजबाट बाहिरिएपछि उनले १३ औं सिजनको आईपीएलबाट समेत बाहिरिएका थिए।
दिल्ली क्यापिटल्सले रोयको सट्टा अनक्याप्ड बायाँ हाते फास्ट बलर ड्यानियल स्याम्सलाई प्रतिस्थापन स्वरूप टिममा भित्र्याएकोको अधिकारिक घोषणा गरेको छ।
दिल्लीमा आबद्ध भएपछि अस्ट्रेलियन फास्ट बलरले खुसि व्यक्त गरेका छन् -“आईपीएल कुनै पनि क्रिकेटरको लागि निकै ठुलो मंच हो। अस्ट्रेलियामा हामि आईपीएल निकै नजिकबाट प्रत्येक वर्ष हेर्ने गर्छौं। दिल्लीले मलाई मौका दिएकोमा म भाग्यमानी महसुस गरिरहेको छु। म युएई पुग्न लालायित छु।” दिल्लीमा अन्य २ अस्ट्रेलियन खेलाडी मार्कस स्टोइनिस र एलेक्स केरी पनि आवद्ध रहेका छन्।
We’re adding some more Aussie firepower in the DC squad 🇦🇺🔥
ᴅᴀɴɪᴇʟ ꜱᴀᴍꜱ – ʙᴏᴡʟɪɴɢ ᴀʟʟ-ʀᴏᴜɴᴅᴇʀ
■■■■■■■■■■■□□□ ᴅᴏᴡɴʟᴏᴀᴅɪɴɢ ꜱᴏᴏɴ#WelcomeSams #Dream11IPL #YehHaiNayiDilli pic.twitter.com/YBjl6lguUW— Delhi Capitals (Tweeting from 🇦🇪) (@DelhiCapitals) August 27, 2020
को हुन् ड्यानीयल स्याम्स
१९९२ मा अस्ट्रेलिया न्यु साउथ वेल्समा जन्मिएका २८ वर्षीय स्याम्स गत सिजन बिग ब्यास लिगमा उत्कृस्ट बलिंग गरेपछि चर्चामा आएका थिए।
बायाँ हाते फास्ट बलरले सिड्नी थन्डर्सको प्रतिनिधित्व गरेका थिए जुनक्रममा २७ वर्षीय बलरले प्रतियोगिताकै सर्वाधिक ३० विकेट लिएका थिए। सोहि प्रदर्शन पछि उनि इंग्ल्यान्ड बिरुद्ध सेप्टेम्बर ४ देखि सुरु हुने आगामी टि-२० र वानडे सिरिजमा डेब्यु गर्न तयार रहेका छन्।
स्याम्स डेथ ओभरमा राम्रो बलिंग गर्न सक्ने बलर हुन्। हालसम्म ३७ टि-२० खेलेका स्याम्सले १८.३६ को औशतले ५२ विकेट लिईसकेका छन्।
स्याम्सको नाममा छ बिग ब्यास लिगको ठुलो रेकर्ड
स्याम्सको नाममा बिग ब्यास लिगको एकै सिजन सर्वाधिक विकेट लिने तथा एकै टि-२० लिगमा चौथो सर्वाधिक विकेट लिने बलरको रेकर्ड रहेको छ।
उनले गत सिजन बिग ब्यास लिगमा सिड्नी थन्डर्सबाट खेल्ने क्रममा १७ खेलमा १५.३६ को औशत र ११.७ को स्ट्राइक रेटमा ३० विकेट लिएका थिए। बिग ब्यास लिगमा उनि पछि एकै सिजन धेरै विकेट लिने बलर केन रिचर्डसन हुन् जसले २०१८/१९ को सिजनमा २४ विकेट लिएका थिए।
एकै टि-२० लिगमा धेरै विकेट लिने किर्तिमान अल्फानो थोमसको नाममा रहेको छ जसले २०१० को एफपी टि-२० लिगमा १९ खेलमा ३३ विकेट लिएका थिए। आईपीएल २०१३ मा ड्वेन ब्राभोले १८ खेलमा ३२ विकेट लिएका थिए जो यो सुचीमा दोश्रो स्थानमा छन्।
बिग ब्यास डेब्युमा सर्वोत्कृष्ट स्पेल
टि-२० क्रिकेटमा स्याम्सले २०१७/१८ बिग ब्यास लिगमा डेब्यु गरेका थिए। डेब्युमै उनले १४ रन खर्चेर ४ विकेट लिएका थिए जुन बिग ब्यास डेब्युमा हालसम्मकै उत्कृस्ट बलिंग हो।
उनले २०१९ को सिजन ग्लोबल टि-२० क्यानडा लिगमा भानकुभर नाइट्सको प्रतिनिधित्व गरेका थिए। उक्त प्रतियोगितामा उनले ४ खेलमा ७ विकेट लिंदै राम्रो प्रदर्शन गरेका थिए।
You know what looks good with a BKT Golden Cap? A Green & Gold playing kit!*
*Daniel Sams won’t actually be able to wear both at the same time 😒 But the leading wicket-taker of BBL|09 is in fact a member of Australia’s touring party in the UK. pic.twitter.com/FeDmPQVerz
— KFC Big Bash League (@BBL) August 27, 2020
आईपीएलको १३ औं सिजन सेप्टेम्बर १९ देखि १० नोभेम्बरसम्म युएईमा आयोजना हुँदैछ। लिगको खेल तालिका सार्वजनिक भएको छैन्।
दिल्ली क्यापिटल्स टिम :- श्रेयस ऐयर, पृथ्वी शा, रिशभ पन्त, शिखर धवन, अक्षर पटेल, कीमो पल, अमित मिश्रा, आवेश खान, हर्शल पटेल, इशान्त शर्मा, कागिसो रबाडा, सन्दिप लामिछाने, रभीचन्द्रन अश्विन, अजिंके रहाने, ड्यानियल स्याम्स , एलेक्स क्यारी, शिमरन हेटमायर, एनरिक नोर्किया, मार्कस स्टोइनिस, मोहित शर्मा, ललित यादव र तुषार देशपान्डे।
यो पनि पढ्नुस :-
टि-२० र वानडे सिरिज खेल्न अस्ट्रेलियन टिम इंग्ल्यान्ड प्रस्थान, यस्तो छ खेल तालिका
IPL : वोक्सको स्थानमा दिल्लीले दक्षिण अफ्रिकी पेसर नोर्कियालाई भित्र्यायो
CPL : अपराजित रहँदै पोलार्डको ट्रिनबागो शिर्षमा, हेनुस को-कति स्थानमा छन्
‘सर’ डन ब्राडम्यानले बनाएका ११ रेकर्ड जुन अझै टुट्न मुस्किल छ
