Sudurpaschim Province vs Gandaki Province Live



दिल्ली कप्तान गम्भीरको ठुलो बयान, होला सन्दिपलाई फाइदा ?

Sandeep Lamichhane, Gautam Gambhir
  • विकेटनेपाल, फाल्गुन २४ 

इन्डियन प्रिमियर लिग आईपीएल टिम दिल्ली डेयरडेभिल्सले गौतम गम्भीरलाई कप्तानमा नियुक्त गरेको घोषणा छ। अघिल्लो सिजन जाहिर खानले टिमको कप्तानी गरेका थिए।

आईपीएलमा पछिल्लो ७ बर्ष कोलकाता नाइट राइडर्सको कप्तानी गरेका गम्भीरले त्यस अघि सुरुवाती ३ वटा सिजनमा दिल्लीको लागि आईपीएल खेलेका थिए। त्यस क्रममा २००९ र २०१० को सिजन कप्तानी समेत गरेका थिए। कोलकाताको कप्तानी गर्दै गम्भीरले सन् २०१२ र सन् २०१४ को आईपीएल उपाधि समेत उनले जिताईसकेका छन्।

७ बर्ष पछि फेरी पुरानै टिममा फर्किएका गम्भीरलाई दिल्लीले आईपीएल अक्सनमा २.८ करोड भारतीय रुपैयाँमा खरिद गरेको थियो। अक्सनमा २० लाख भारतीय रुपैयाँमा दिल्लीले नेपाली लेग स्पिनर सन्दिप लामिछानेलाई खरिद गरेको थियो जसको टिमको कप्तान अब गम्भीर हुनेछन्।

“यो मेरो लागि निकै ठुलो सम्मान हो म फेरी दिल्लीको कप्तान हुँदैछु। मलाई पूर्णत बिश्वास छ कि जुन खेलाडीहरु मेरो टिममा छन् उनीहरुसंग निकै राम्रो टिम बनाउन सक्छौ” गम्भीरले बताए। दिल्ली टिममा सन्दिप लामिछाने सहित ट्रेन्ट बोल्ड, ग्लेन म्याक्सवेल, अमित मिश्रा, मोहम्मद शामी, रिसब पन्त, कासिगो रबाडा, प्रिथ्भी शा, ड्यान क्रिस्टिएन, क्रिस मोरिस जस्ता खेलाडीहरु रहेका छन्।

दिल्लीको प्रशिक्षण यो सिजन अस्ट्रेलियन पुर्व कप्तान समेत रहेका रिकी पोंटिंगले गर्ने घोषणा भैसकेको छ। गम्भीर कप्तान घोषणा भएकोमा पोंटिंगले उनको तारिफ गर्दै उनि राम्रो कप्तान रहेको र उनको व्यक्तित्वले टिमलाई आत्मविश्वास दिने बताएका छन्।

गम्भीरको बयानले सन्दिपलाई फाइदा होला ? 

कप्तान नियुक्त भएपछि गौतम गम्भीरले कति पैसामा खरिद गरेको भन्दा पनि प्रदर्शन जसको राम्रो हुन्छ त्यसैलाई अन्तिम ११ मा स्थान दिने बयान दिएका छन्। नेपाली शेन वार्न सन्दिप लामिछाने आईपीएल खेल्न छानिएपछि उनि दिल्लीको अन्तिम ११ मा छनौट हुनेछन् वा हुने छैनन् बहस चल्दै गर्दा गम्भीरको बयानले नेपाली फ्यानहरुलाई आशाबादी बनाएको छ।

sandeep lamichhane
Sandeep Lamichhane

कम मूल्यमा ( २० लाख भा.रु.) खरिद भएका सन्दिपले बिश्व क्रिकेट लिग डिभिजन-२ मा उत्कृस्ट बलिंग गर्दै प्रतियोगिताकै उत्कृस्ट खेलाडी चुनिएका थिए भने दिल्लीको क्याम्पमा र अभ्यास खेलमा राम्रो प्रदर्शन गरे अन्तिम ११ मा मौका पाउन सक्ने बिश्वास नेपाली समर्थकहरुले गरेका छन्। दिल्लीमा अनुभवी लेग स्पिनरद्वय अमित मिश्रा र राहुल तेवतिया भएका कारण सन्दिपलाई प्लेइंग ११ मा स्थान बनाउन मुस्किल मानिन्छ।

“खेलाडीको ब्यबस्थापन गर्नु त्यति मुस्किल कम हैन, जसले प्रदर्शन गर्छ त्यही अन्तिम ११ मा खेल्नेछ र त्यसको सुरुवात मबाटै हुन्छ। मैले पनि अन्तिम ११ मा ठाउँ बनाउन प्रदर्शन गर्नेपर्छ।

गम्भीरले थपे “कुरा खेलाडीले पाएको पैसा हैन र उनीहरुको हातमा केहि छैन। एउटा मात्र कुरा खेलाडी हातमा छ त्यो हो टिमको लागि प्रदर्शन जसले उनिहरुलाई टिमको हिस्सा बनाईराख्नेछ”

आईपीएलको प्रदर्शन गम्भीरको टिम इन्डियामा कमब्याक गर्ने माध्यम बन्नेछ भन्ने प्रश्नमा दिल्ली कप्तानले भने-

“प्रत्येक बर्ष आईपीएलमा मलाई यही प्रश्न सोधिन्छ कि आईपीएल मेरो कमब्याकको लागि कति महत्वपूर्ण हुनेछ। म कम्ब्याक सोचेर प्रतियोगिता खेल्दिन म खेल्छु प्रतियोगिता जित्नलाई”

लिगको पहिलो खेलमा दिल्लीले अप्रिल ८ मा किंग्स ११ पन्जाबको सामना गर्दै आईपीएलको सुरुवात गर्नेछ ।

( फोटो – दिल्ली डेयर डेभिल्स फेसबुक )





थप समाचार

ICCWCL2 : टस हारेर नेपाल ब्याटिंग गर्दै, करन बाहिर

नामिबियामा जारि आईसीसी विश्वकप लिग-२ अन्तर्गतको त्रिकोणात्मक सिरिजमा आज नेपाल र नामिबिया प्रतिस्पर्धा गर्दैछन्। विन्ढोक स्थित युनाइटेड क्रिकेट क्लब मैदानमा […]

ICCWCL2 : स्कटल्याण्डद्वारा नामिबिया पराजित

घरेलु टोलि नामिबियालाई ४ विकेटले पराजित गर्दै विश्वकप लिग-२ अन्तर्गत त्रिकोणात्मक सिरिजको पहिलो खेलमा स्कटल्याण्डले विजयी सुरुवात गरेको छ। सिरिजमा […]

U19 National : निर्मलको ५ विकेटमा लुम्बिनीको चौंथो जित, गण्डकी जितमा सुबासको ६ विकेट

अन्डर-१९ राष्ट्रिय प्रतियोगिता अन्तर्गत बिहिबार सम्पन्न दुई खेलमा लुम्बिनी प्रदेश र गण्डकी प्रदेश विजयी भएका छन्। प्रदेश नम्बर-१ लाई ६ […]

नेपाल टि-२० लिगबाट कान्तिपुर गोर्खाज बाहिरियो, लिग फेरी सर्ने

यही डिसेम्बर १२ तारिख ( मङ्सिर २६ गते ) देखि काठमाडौँमा आयोजना हुने नेपाल टि-ट्वान्टी लिगबाट काठमाडौँ गोर्खाज टिमले नाम […]

नेत्रहीन टी-२० विश्वकप : नेपाल भारतसँग भिड्ने

आगामी डिसेम्बर ४ देखि १७ (मंसिर ५ देखि १९ सम्म) भारतमा आयोजना हुने नेत्रहीन टी-२० विश्वकप क्रिकेटमा नेपालले पहिलो खेल […]

लुम्बिनीको जितमा दुर्गेशको अलराउण्ड प्रदर्शन, नरेनको ५ विकेटमा सुदूरपश्चिमको लगातार पाँच जित

काठमाडौँमा जारि अन्डर-१९ राष्ट्रिय प्रतियोगिता अन्तर्गत बुधबार सम्पन्न दुई खेलमा लुम्बिनी प्रदेश र सुदूरपश्चिम प्रदेश विजयी भएका छन्। टियु मैदान […]