धनगढी प्रिमियर लिग (डिपिएल) क्रिकेट अन्तर्गत तेस्रो दिनको दोश्रो खेलमा बिरानगर किंग्सले धनगढी स्टार्सलाई १०४ रनको बिजयी लक्ष्य प्रस्तुत गरेको छ। उसले निर्धारित २० ओभरमा ९ विकेट गुमाएर १०३ रनको योगफल तयार पार्यो।
टस जितेर पहिले ब्याटिंग गरेको बिराटनगर किंग्सले पहिलो ओभरमा नै हरिशंकर शाह (२ रन) लाई २ रनको योगफलमा गुमायो। त्यसपछि तेस्रो ओभरको चौथो बलमा कुशल भुर्तेलपनि ६ रन बनाएर आउट भए। असादउल्लाह खान पठान ३ रन, राजेश पुलामी १ रन बनाएर आउट भएपछी बिराटनगरले २७ रनमा ४ विकेट गुमाएको थियो।
त्यसपछि अभिनास यादवले आसिफ शेखसँग १५ रन र कप्तान करण केसीसँग३२ रनको साझेदारी गरे। आसिफ १२ रन र यादव २७ रन बनाएर आउट भए। पृथु बास्कोटासँग थप १७ रनको साझेदारी गरेपछि करण पनि २१ रनमा पेभेलियन फर्किए। लगत्तै पृथुपनि ६ रनमा आउट भए।
संसाद शेख अन्तिम बलमा ७ रन बनाएर बाउन्ड्रीमा क्याच आउट भए भने सुशन भारी १ रनमा अविजित रहे।
बलिंगतर्फ कप्तान सोमपाल कामिले ३ विकेट लिनेक्रममा ३ ओभरमा ८ रन खर्चे। त्यस्तै बिपिन खत्रीले पनि ३ विकेट लिन १९ रन खर्चे। रबिन क्षेत्रीले १ ओभरमा २ विकेट तथा धमलाले ४ बलमा १ विकेट लिए।
